இது தெரிஞ்சிருந்தா ரஜினி படத்தில் நடிச்சிருக்கவே மாட்டேன் - குஷ்பூ வேதனை
Karthikraja
in பிரபலங்கள்
அண்ணாத்த படத்தில் நடித்தது குறித்து நடிகை குஷ்பூ பேசியுள்ளார்.
குஷ்பூ
ஹிந்தி மற்றும் தெலுங்கு படத்தில் நடித்து வந்த குஷ்பூ, தர்மத்தின் தலைவன் படம் மூலம் தமிழ் சினிமாவில் அறிமுகமானார்.
அதன் பின் முன்னணி நடிகர்களுடன் நடித்து தமிழ் சினிமாவின் முன்னணி நாயகியாக வலம் வந்தார். நடிப்பதோடு மட்டுமல்லாமல் குஷ்பூ அரசியல்வாதியாகவும் இருந்து வருகிறார்.
ரஜினி படம்
இந்நிலையில் பேட்டி ஒன்றில், ரஜினிகாந்த் உடன் அண்ணாத்த படத்தில் நடித்தது குறித்து சில விஷயங்களை குஷ்பு பகிர்ந்துள்ளார். அதில், "முதலில் அண்ணாத்த படம் குறித்து இயக்குநர் என்னிடம் கூறியபோது நானும் மீனாவும் மட்டும்தான் படத்தில் லீட் கேரக்டர்களில் நடிக்க உள்ளோம். ரஜினிக்கு ஜோடி கிடையாது என சொல்லப்பட்டது.
ஆனால், ஷூட்டிங் நடக்கும்போதுதான் நயன்தாரா ரஜினிக்கு கதாநாயகி என்பது தெரிய வந்தது. இதனால் இடைவேளை வரை மட்டுமே படத்தில் வந்தோம். ரஜினி தன் தங்கையை தேடி மும்பை செல்லும்போது நானும் மீனாவும் கூட செல்வோம். இந்தக் கதை அனைத்தும் மாற்றிவிட்டார்கள். ஏன் இந்த படத்தில் நடித்தோம் என்பது போல இருந்தது" என பேசினார்.
