கேஎல் ராகுல், சர்பராஸ் கான் வேண்டாம்; அவரை கொண்டு வாங்க - ஆகாஷ் சோப்ரா விமர்சனம்!
Sumathi
in கிரிக்கெட்
கேஎல்.ராகுல் மற்றும் சர்பராஸ்கானுக்கு பதிலாக இன்னொரு வீரரின் பெயரை ஆகாஷ் சோப்ரா பரிந்துரை செய்துள்ளார்.
டெஸ்ட் தொடர்
இந்திய அணி ஆஸ்திரேலியாவுக்கு எதிராக ஆஸ்திரேலியாவில் 5 போட்டிகள் கொண்ட டெஸ்ட் தொடரின் முதல் போட்டியில் நவம்பர் 22ஆம் தேதி விளையாடவுள்ளது.
தற்போது ருதுராஜ் தலைமையில் இந்திய ஏ அணி இரண்டு போட்டிகள் கொண்டு டெஸ்ட் தொடரில் ஆஸ்திரேலிய ஏ அணிக்கு எதிராக விளையாடி வருகிறது. இந்நிலையில் இதுகுறித்து ஆகாஷ் சோப்ரா கூறுகையில்,
ஆகாஷ் சோப்ரா கருத்து
”கே எல் ராகுல் ஆஸ்திரேலியாவுக்கு ரன்கள் எடுக்கத்தான் அனுப்பிவைக்கப்பட்டார். அவருடைய ஆறாவது இடத்தில் அனுப்பாமல் அவரை துவக்க ஆட்டக்காரராக அனுப்பினார்கள். ஏனென்றால் ரோகித் சர்மா முதல் டெஸ்டில் விளையாடவில்லை என்றால் கேஎல்.ராகுல் முதல் டெஸ்டில் ஓபனராக வருவார்.
அவர் துவக்க வீரராக இருந்த பொழுது நல்ல முறையில் ரன்கள் எடுத்திருக்கிறார். இப்படி இருக்கும் பொழுது எதற்காக அபிமன்யு ஈஸ்வரனை அணிகள் தேர்வு செய்ய வேண்டும்?
நீங்கள் தேர்வு செய்த அவரை தாராளமாக அங்கு விளையாட வைக்கலாம். ஆனால் இந்திய கிரிக்கெட் நிர்வாகம் துவக்க இடத்தில் கே எல் ராகுலை விளையாட வைக்க விரும்புகிறது என்று தெரிகிறது” என விமர்சித்துள்ளார்.
