வைரலாகும் கே.எல். ராகுலின் இன்ஸ்டா பதிவு.. குஷியில் ரசிகர்கள் -என்ன காரணம்?
Vidhya Senthil
in கிரிக்கெட்
இந்திய கிரிக்கெட் அணி வீரர் கே.எல். ராகுலின் இன்ஸ்டா பதிவு இணையத்தில் வைரலாகி வருகிறது.
கே.எல்.ராகுல்
இந்திய கிரிக்கெட் அணியில் விக்கெட் கீப்பர் பேட்ஸ்மேன் எனப் பன்முகத் தன்மை கொண்டவர் கே.எல்.ராகுல். இவர் பாலிவுட் நடிகர் சுனில் ஷெட்டியின் மகள் அதியா செட்டியைக் காதலிப்பதாகக் கடந்த 2019 ஆம் ஆண்டு தகவல் வெளியானது.இதற்கு இருதரப்பிலிருந்தும் எந்தவித பதிலும் வரவில்லை .
அதன்பிறகு, 2021 ஆம் ஆண்டு கே.எல்.ராகுல் தனது இன்ஸ்டாகிராமில் அதியாவுடன் எடுத்த புகைப்படத்தைப் பகிர்ந்து தங்களது உறவை அதிகாரப்பூர்வமாக அறிவித்தார்.
இதனையடுத்து 2023ஆம் ஆண்டு ஜனவரி மாதம் இவர்களது திருமணம் பெற்றோர் சம்மந்தத்துடன் மகாராஷ்டிராவில் அமைந்துள்ள பண்ணை வீடு ஒன்றில் நடைப்பெற்றது.
இன்ஸ்டா பதிவு
இதில் நெருங்கிய உறவினர்கள் மட்டுமே கலந்து கொண்டனர்.இந்த நிலையில், தற்போது வீரர் கே.எல். ராகுல் - அதியா ஷெட்டி தம்பதியினரின் இன்ஸ்டாகிராம் பதிவு இணையத்தில் வைரலாகி வருகிறது.
அதில் விரைவில் ஒரு அழகான வாழ்க்கை வரவிருக்கிறது எனப் பதிவிட்டுள்ளனர்.இந்த பதிவிற்கு ரசிகர்கள் மற்றும் நண்பர்கள் என அனைவரும் வாழ்த்துக்களைக் குவித்து வருகின்றனர்.
