வெற்றியை அதிகமாக கொண்டாடாதீங்க: இந்திய அணிக்கு பீட்டர்சன் எச்சரிக்கை

ஆஸ்திரேலியாவுக்கு எதிரான வெற்றியை அதிகமாக கொண்டாட வேண்டாம் என இங்கிலாந்து முன்னாள் வீரர் கெவின் பீட்டர்சன் எச்சரிக்கை விடுத்துள்ளார். ஆஸ்திரேலியாவுக்குச் சுற்றுப்பயணம் மேற்கொண்ட இந்திய அணி, டெஸ்ட், ஒருநாள், டி20 தொடா்களில் விளையாடியது.

ஒருநாள் தொடரை 1-2 என இழந்த போதும், டி20 தொடரை 2-1 என வென்றது, மேலும் டெஸ்ட் தொடரையும் கைப்பற்றி சாதனை படைத்தது. இந்த வெற்றியை இந்திய அணியினரும் ரசிகர்களும் தொடர்ந்து கொண்டாடி வருகிறார்கள். இந்நிலையில் இங்கிலாந்து முன்னாள் வீரர் கெவின் பீட்டர்சன், ட்விட்டரில் கூறியதாவது: பல தடைகளைத் தாண்டி கிடைத்த இந்த வெற்றியை கொண்டாடுங்கள் இந்தியா.

எனினும் உண்மையான அணி இன்னும் சில நாள்களில் இந்தியாவுக்கு வரவுள்ளது. அவர்களை நீங்கள் தோற்கடித்தாக வேண்டும். எச்சரிக்கையுடன் இருங்கள். அடுத்த இரு வாரங்களுக்கு அதிகமாகக் கொண்டாடுவதைத் தவிர்த்து விடுங்கள் என்று கூறியுள்ளார்.