உலகத்திலேயே இவர் மட்டும்தானாம் - இந்தியாவுக்கு எதிராக இங்கிலாந்து வீரரின் மோசமான சாதனை!

இந்திய அணிக்கு எதிராக டெஸ்ட் போட்டிகளில் அதிகமுறை டக்-அவுட்டாகிய வீரர் என்ற மோசமான சாதனை ஜானி பேர்ஸ்டோ படைத்துள்ளார்

இங்கிலாந்து-இந்தியா

இங்கிலாந்து கிரிக்கெட் அணி, இந்தியாவில் சுற்றுப்பயணம் மேற்கொண்டு 5 டெஸ்ட் போட்டிகள் கொண்ட தொடரில் விளையாடி வருகிறது. இதில் முதல் இரண்டு போட்டிகளை 1-1 என்ற கணக்கில் இரு அணிகளும் சமன்செய்துள்ளது.

இந்நிலையில் 3-வது டெஸ்ட் போட்டி ராஜ்கோட்டில் விறுவிறுப்பாக நடந்து வருகிறது. இதில் முதல் இன்னிங்ஸில் பேட்டிங் செய்த இந்திய அணி 445 ரன்களை குவித்தது. இதனையடுத்து களமிறங்கிய இங்கிலாந்து அணி 319 ரன்களுக்கு அனைத்து விக்கெட்டுகளையும் இழந்து ஆல் அவுட்டானது.

மருமகள் குடும்பத்தையே பிரிச்சிட்டா.. பேத்தியை பார்த்து 5 வருஷமாச்சு - குமுறும் ஜடேஜாவின் தந்தை!

மோசமான சாதனை 

இந்த போட்டியில் குல்தீப் வீசிய பந்தில் இங்கிலாந்து வீரர் ஜானி பேர்ஸ்டோ டக்-அவுட்டாகி வெளியேறினார். இதன் மூலம் இந்திய அணிக்கு எதிராக டெஸ்ட் போட்டிகளில் அதிகமுறை டக்-அவுட்டாகிய வீரர் என்ற மோசமான சாதனை அவர் படைத்துள்ளார்.

அந்த பட்டியலில் அவருடன் இருக்கும் மற்ற வீரர்கள் அனைவருமே பவுலராக இருக்கும் நிலையில், ஒரேயொரு பேட்ஸ்மேனாக ஜானி பேர்ஸ்டோ மட்டுமே உள்ளார். மேலும், இப்படியொரு மோசமான ரெக்கார்டை வைத்திருக்கும் முதல் சர்வதேச பேட்ஸ்மேன் என்ற சாதனையை பேர்ஸ்டோ பெற்றுள்ளார்.