ரோட்டிலேயே சோறு போட்டு சாப்பிடலாம் போல.. அப்படி ஒரு க்ளீன் - வைரலாகும் வீடியோ!
ஜப்பான் சாலைகளின் தூய்மை குறித்த வீடியோ வைரலாகி வருகிறது.
பளீச் தூய்மை
சிம்ரன் பலார் ஜெயின் என்ற சமூகவலைதள பிரபலம் சமீபத்தில் ஜப்பான் நாட்டுக்கு சென்றுள்ளார். அங்கு அவர் பல வீதிகளில் பயணம் செய்து அதை தன் சமூகவலைதள பக்கத்தில் வீடியோவாக வெளியிட்டுள்ளார்.
அதில் ஒரு வீடியோவில், சிம்ரன், கடைக்கு சென்று ஒரு புதிய வெள்ளை நிற சாக்ஸ் வாங்குகிறார். சாலையோரம் வந்து தான் அணிந்திருந்த காலணியை அகற்றிவிட்டு, அந்த வெள்ளை நிற சாக்ஸை அணிகிறார்.
வைரல் வீடியோ
அதனுடன் சிக்னலில் சாலையை கடப்பது, பிளாட் பார்மில் ஹாயாக வாக்கிங் போவது என்று தொடர்கிறார். பின் சிம்ரன் தொடங்கிய இடத்திலேயே அமர்ந்து அந்த சாக்ஸ்களை காட்டினார்.
அவ்வளவு தூரம் நடந்தும், அதில் ஒரு தூசி கூட ஒட்டவில்லை. இந்த வீடியோ சுமார் 26 மில்லியன் பார்வைகளை கடந்து வைரலாக பரவி வருகிறது. பலர் இதை பாராட்டி கமெண்ட் செய்து வருகின்றனர்.
