1 பிஸ்கட்ட காணோம் சார்..கொந்தளித்த கஸ்டமர் - பிரபல நிறுவனத்தை அலறவிட்ட நீதிமன்றம்

ஒரு பிஸ்கட் குறைவாக இருந்ததற்கு 1 லட்சம் ரூபாய் இழப்பீடு வழங்கப்பட்டுள்ளது.

பிஸ்கட் விவகாரம்

திருவள்ளூரைச் சேர்ந்தவர் டில்லிபாபு. இவர் மாவட்ட நுகர்வோர் குறைதீர் மன்றத்தில் மனு ஒன்றை தாக்கல் செய்தார். அதில், "சன்ஃபீஸ்ட் மேரி லைட் என்ற நிறுவனத்தின் பிஸ்கெட் பாக்கெட்டுகளில் 16பிஸ்கெட்டுகள் இருப்பதாக விளம்பரம் செய்யப்பட்டுள்ளது.

ஆனால், 15 பிஸ்கெட்டுகள் தான் உள்ளன. நியாயமற்ற வர்த்தகத்தில் ஈடுபட்டதால் ஒரு லட்சம் ரூபாய் இழப்பீடு வழங்க வேண்டும்" என்று வழக்குத் தொடர்ந்தார். இதனை விசாரித்த நீதிபதி, "பிஸ்கெட் எண்ணிக்கையின் அடிப்படையில் அல்ல, எடையின் அடிப்படையில் மட்டுமே தயாரிப்பு விற்கப்பட்டது என்று எதிர்தரப்பின் வழக்கறிஞர் கூறுகிறார்.

1 லட்சம் அபராதம்

இந்த வாதத்தை ஏற்க முடியாது. பிஸ்கெட் எண்ணிக்கையின் அடிப்படையில் மட்டுமே நுகர்வோர் தயாரிப்பை வாங்க வேண்டும். பேக்கிங்கில் கிடைக்கும் தயாரிப்புத் தகவல் நுகர்வோரின் வாங்கும் நடத்தை மற்றும் அதில் கிடைக்கும் தயாரிப்புத் தகவல் தாக்கத்தை ஏற்படுத்துவதால்,

பொருளை வாங்குவதைத் தீர்மானிக்க ரேப்பரை மட்டுமே பார்க்க முடியும். ரேப்பர் அல்லது லேபிள் வாடிக்கையாளர் திருப்தியில் குறிப்பிடத்தக்க பங்கை வகிக்கிறது. தற்போதைய நிலையில், குறைந்த எண்ணிக்கையிலான பிஸ்கெட்டுகள் குறித்து மட்டுமே முக்கிய குற்றச்சாட்டு உள்ளது.

எனவே, டில்லிபாபுவுக்கு இழப்பீடாக 1 லட்சமும், வழக்குச் செலவுக்காக 10,000 ரூபாய் வழங்க வேண்டும் என ஐடிசி லிமிடெட் உணவுப் பிரிவுக்கு உத்தரவிட்டுள்ளார்.