IPL 2024 துவக்க விழா...குதூகல படுத்த வரும் திரை நட்சத்திரங்களின் பட்டியல் இதோ..!
Karthick
in கிரிக்கெட்
இந்த ஆண்டு ஐபிஎல் தொடர் வரும் 22-ஆம் தேதி துவங்கவுள்ளது.
IPL
கிரிக்கெட் ரசிகர்களிடம் பெரும் எதிர்பார்ப்பை கொண்டுள்ளது IPL தொடர். இந்த ஆண்டிற்கான IPL தொடரின் பாதி அட்டவணை மட்டுமே வெளியிடப்பட்டுள்ளது.
காரணம், நடைபெறவிருக்கும் மக்களவை தேர்தல். அதன் காரணமாக, மீதமுள்ள போட்டிகள் வெளிநாட்டில் தான் நடத்தப்படும் சூழல் ஏற்பட்டுள்ளது. 22-ஆம் துவங்கும் தொடரின் முதல் போட்டியில் நடப்பு சாம்பியன் சென்னை அணியும், RCB அணியும் மோதுகின்றன.
ரசிகர்களுக்கு இப்போதே தொடர் மீது பெரும் எதிர்பார்ப்புகள் உண்டாகியுள்ளது. இந்த முறையாவது RCB வெல்லுமா..? அல்லது மீண்டும் சென்னை - மும்பை அணிகளின் ஆதிக்கமே தொடரும் போன்ற பல கேள்விகள் இருக்கும் சூழலில், வீரர்கள் தீவிர வலைப்பயற்சியில் ஈடுபட்டு வருகிறார்கள்.
நிகழ்ச்சி
இந்த ஆண்டு IPL தொடர் துவக்க நிகழ்ச்சிக்கு கண்கவர் கலைநிகழ்ச்சியுடன் பிரமாண்டமான தொடக்க விழாவுக்கு ஏற்பாடு செய்யப்பட்டுள்ளது.சுமார் 1 மணி நேரம் வரை நடைபெறவுள்ள துவக்க விழாவில் இசைப்புயல் ஏ.ஆர்.ரகுமானின் இசை நிகழ்ச்சி நடைபெற இருக்கிறது.
இந்த நிகழ்ச்சியில், பாலிவுட் நடிகர்கள் அக்ஷய் குமார், டைகர் ஷெராப் மற்றும் பாலிவுட் பாடகர் சோனு நிகாம் ஆகியோர் பங்கேற்கவுள்ளார்கள் என்று அறிவிக்கப்பட்டுள்ளது.
