சூறாவளி போல் வந்த கொசுக்கள் கூட்டம் பதறிய வாகன ஓட்டிகள்: வைரலாகும் வீடியோ

அர்ஜென்டினாவின் சாலையில் சூறாவளி போல் தோன்றிய கொசுக் கூட்டங்களை பார்த்து பொதுமக்கள் திகைத்துப் போயினர். இந்த வீடியோ சமூக வலைத்தளங்களில் வைரலாக பரவி வருகிறது. அர்ஜென்டினா சாலையில் வாகன ஓட்டுநர்கள் வாகனத்தில் பயணம் செய்து கொண்டிருந்த போது சூறாவளி போன்று ஒரு காட்சி தென்பட்டது. இதனைக்கண்ட ஓட்டுநர்கள் குழப்பமடைந்துள்ளனர்.

இதனையடுத்து அதன் அருகில் சென்றபோது அது கொசுக்கள் சேர்ந்து கூட்டமாக சூறாவளி போன்று காட்சியளித்தது தெரியவந்துள்ளது. தரையிலிருந்து எழுந்த கொசுக் கூட்டங்கள் துாரத்திலிருந்து பார்க்க ஒரு சூறாவளியை போலவே இருந்துள்ளது. சாலையில் சென்று கொண்டிருந்த பயணியால் எடுக்கப்பட்ட இந்த வீடியோ தற்போது இணையதளத்தில் வைரலாக பரவிவருகிறது.

பார்ப்பதற்கு பயங்கரமானதாக தெரிந்தாலும் மனிதர்களுக்கு அவற்றால் எவ்வித பாதிப்பும் ஏற்படாது என்று தெரிவித்துள்ளார். இதனை உடனடியாக அழிப்பதற்கான நடவடிக்கையை தற்போது மேற்கொள்ள தேவையில்லை.

அவை 15 தினங்களில் தானாகவே உயிரிழந்து விடும் என அந் நாட்டின் அறிவியலாளர்கள் கூறினர் இதனால் பொதுமக்கள் நிம்மதியடைந்தனர்.