சாலையில் கிடந்த மனித தலை - அதிர்ந்த பொதுமக்கள்

சாலையில் மனித தலை கிடந்துள்ளதை பார்த்த பொதுமக்கள் அதிர்ச்சியடைந்துள்ளனர்.

சாலையில் மனித தலை

மதுரை திருப்பாலை காவல் நிலையம் அருகேயுள்ள வாசுநகர் எதிர்புறம் நத்தம் சாலையில் இன்று(14.11.2024) காலை 7 மணியளவில் மனித தலை கிடந்துள்ளது. 

அந்தவழியாக சென்ற வாகன ஓட்டிகள் இதனை பார்த்து அதிர்ச்சியடைந்து உடனடியாக திருப்பாலை காவல் நிலையத்திற்கு தகவல் அளித்தனர். 

மருமகள் கொலைக்கு கூலி தராத மாமியார் - போலீசில் புகாரளித்த கொலையாளி

போலீஸ் விசாரணை

விரைந்து வந்த காவல்துறையினர் தனியாக கிடந்த மனித தலையை கைப்பற்றி ஆய்வுக்காக அரசு மருத்துவமனைக்கு அனுப்பி வைத்துள்ளனர். தலை கிடந்த இடத்தில் மோப்ப நாய் உதவியுடன் காவல்துறையினர் உடலை தேடி சோதனை நடத்தினர். 

மேலும் சுற்றி உள்ள பகுதிகளின் சிசிடிவி காட்சிகளையும் கைப்பற்றி விசாரணை நடத்தி வருகின்றனர். மேலும், அப்பகுதியில் சமீபத்தில் மாயமானவர்கள் குறித்த புகார் விவரம் குறித்தும் காவல் நிலையங்களில் சேகரித்து வருகின்றனர். 

முதற்கட்ட விசாரணையில் அந்த தலை 60 வயது முதியவரின் தலையாக இருக்கலாம் என தெரிய வந்துள்ளது.கொலை செய்து தலையை வீசி சென்றுள்ளனரா அல்லது அருகில் உள்ள மயானத்தில் தீயில் எரியாமல் இருந்த தலை பகுதியை நாய் தூக்கி வந்து போட்டுள்ளதா என்ற கோணத்திலும் விசாரணை நடத்தி வருகின்றனர்.