லியோ படம் வசூல் வேட்டை; லோகேஷுக்கு ஹெலிகாப்டர் உறுதி - பிரபலம் தகவல்!

லியோ படம் முதல் நாளிலேயே உலகளவில் ரூ.148.5 கோடி வசூலை குவித்துள்ளதால், படத்தின் வசனகர்த்தாவான இயக்குநர் ரத்னகுமார் “ஹெலிகாப்டர் உறுதி” என பதிவிட்டுள்ளார்.

லியோ திரைப்படம்

இயக்குநர் லோகேஷ் கனகராஜ் இயக்கத்தில் நடிகர் விஜய் நடித்துள்ள படம் லியோ. இந்த படத்தில் சஞ்சய் தத், த்ரிஷா, அர்ஜுன், கௌதம் வாசுதேவ் மேனன், மிஷ்கின், மன்சூர் அலி கான் மற்றும் பிரியா ஆனந்த் உள்ளிட்ட பலர் நடித்துள்ளனர்.

இந்த படத்திற்கு அனிருத் இசையமைத்துள்ளார். பல சர்ச்சைகளையும், பிரச்சனைகளையும் கடந்து லியோ திரைப்படம் கடந்த 19ம் தேதி வெளியானது. அப்போதிலிருந்து இன்றுவரை பல கலவையான விமர்சனங்களை பெற்றுள்ள இந்த படம், முதல் நாளில் உலகளவில் ரூ.148.5 கோடி வசூலைக் குவித்துள்ளது.

மேலும் இந்த ஆண்டில் முதல் நாளில் அதிக வசூலைக் குவித்த திரைப்படம் என்ற சாதனையையும் ‘லியோ’ படைத்துள்ளது. சமீப காலங்களில் திரைப்படங்கள் பெரும் வெற்றி பெறும்போது, அந்த படத்தின் தயாரிப்பாளர்கள் பரிசுத்தொகை அல்லது கார், வாட்ச் போன்ற விலையுயர்ந்த பொருட்களை படக்குழுவினருக்கு வழங்கி வருகின்றனர்.

சிவா..அவ்ளோ ஈசியா என் இடத்த குடுக்க மாட்டேன்; இமானுக்கு வாழ்த்துக்கள் - நடிகர் தனுஷ்!

ஹெலிகாப்டர் உறுதி

அண்மையில் நடிகர் ரஜினிகாந்தின் ஜெயிலர் திரைப்படம் வெற்றி பெற்றபோது தயாரிப்பாளர் கலாநிதி மாறன் நடிகர் ரஜினிகாந்த், இயக்குநர் நெல்சன், இசையமைப்பாளர் அனிருத் ஆகியோருக்கு பரிசுத்தொகை மற்றும் கார் வழங்கினார்.

இந்நிலையில் லியோ திரைப்படம் முதல் நாளிலேயே உலகளவில் ரூ.148.5 கோடி வசூலை குவித்துள்ளதால், படத்தின் வசனகர்த்தாவான இயக்குநர் ரத்னகுமார், “ஹெலிகாப்டர் உறுதி” என படத்தின் இயக்குநர் லோகேஷ் கனகராஜை குறிப்பிட்டு தனது எக்ஸ் தள பக்கத்தில் பதிவிட்டுள்ளார். இதனை கண்ட ரசிகர்களும், லோகேஷ் கனகராஜுக்கு தயாரிப்பாளர் ஹெலிகாப்டர் பரிசளிக்கப் போகிறார் என்று கமெண்ட் செய்து வருகின்றனர்.

இதற்கிடையில் ஒரு நேர்காணலில் "படத்தின் வசூல் பற்றி தயாரிப்பாளர் கேட்டால், நான் படத்தின் வெற்றிக்காக ஹெலிகாப்டர் ஒன்றை கேட்பேன்” என்று லோகேஷ் கனகராஜ் ஒரு நேர்காணலில் பேசியிருந்தது குறிப்பிடத்தக்கது. 

Helicopter Uruthi @Dir_Lokesh ❤️?.#Leo#BlockbusterLeo pic.twitter.com/njoigAjjsy

— Rathna kumar (@MrRathna) October 20, 2023