காலையில் போலீஸ் - மாலையில் திருட்டு தொழில்..! காவல் ஆய்வாளரே செயின் பறித்த சம்பவம்..!
தொடர் செயின் பறிப்பில் ஈடுபட்ட தலைமை காவலர், தற்போது பணியிடை நீக்கம் செய்யப்பட்டுள்ளார்.
தலைமை காவல் அதிகாரி
திருட்டு சம்பவங்கள் நடைபெற்றால் போலீசாரிடம் முறையிடலாம். ஆனால் அந்த போலீஸ் திருட்டு சம்பவத்தில் ஈடுபட்டால் - என்ன செய்வது..?
அப்படி ஒரு சம்பவம் தான், கோவை மாவட்டம் பொள்ளாச்சியில் நடந்துள்ளது. பொள்ளாச்சியை அடுத்த செட்டிபாளையம் போலீஸ் ஸ்டேஷனின் தலைமை காவல் அதிகாரியாக இருந்தவர் சபரிகிரி.
பொள்ளாச்சி பகுதியில் கடந்த 27-ஆம் தேதி அடுத்தடுத்து 2 பெண்களிடம் மர்ம நபர் ஒருவர் செயின் பறிப்பில் ஈடுபட்டுள்ளார்.விசாரணை மேற்கொள்ளப்பட்ட நிலையில், திருடியது சபரிகிரி தான் என்றும், பொள்ளாச்சி மட்டுமென்றி அவர், செட்டிபாளையம் பகுதிகளிலும் செயின் பறிப்பில் ஈடுபட்டுள்ளது தெரியவந்துள்ளது.
கைது செய்யப்பட்ட சபரிகிரி நீதிமன்றத்தில் ஆஜர்ப்படுத்தப்பட்டு சிறையில் அடைக்கப்பட்டார். சிறையில் அடைக்கப்பட்டுள்ள சபரிகிரியை மாவட்ட காவல் கண்காணிப்பாளர் பத்ரி நாராயணன் சஸ்பெண்ட் செய்தும் உத்தரவிட்டுள்ளார்.
