தமிழ் படிச்சா பிச்சைக்காரனா கூட இருக்க முடியாது; சொன்னது பெரியார் - ஹெச்.ராஜா தாக்கு
தமிழை படித்தால் பிச்சைக்காரனாக கூட இருக்க முடியாது என கூறியது பெரியார் என ஹெச்.ராஜா விமர்சித்துள்ளார்.
பெரியார் விவகாரம்
மதுரையில் பாஜக மூத்த தலைவர் ஹெச்.ராஜா செய்தியாளர்களை சந்தித்தார். அப்போது பேசிய அவர், திருக்குறள் கட்டமைக்கப்பட்டிருப்பது சனாதன இந்து தர்மத்தின் அடிப்படையில்.
வள்ளுவரை விட சனாதனி உண்டா ? பல இடங்களில் இந்து தெய்வங்களைப் பற்றி வள்ளுவர் பேசியுள்ளார். அந்தக் குறளை தங்கத் தட்டில் இருக்கும் மலம் என பெரியார் பேசினார். விமான நிலையம் வேண்டும், ஆனால் பரந்தூரில் வேண்டாம் என்கிறார்.
ஹெச்.ராஜா தாக்கு
விஜய் விமான நிலையத்தை எங்கு கொண்டு வர வேண்டும் என விவசாயிகளிடம் பேசி ஒப்பந்தம் வாங்கி கொடுத்தால், மத்திய அரசு அங்கு விமான நிலையம் அமைக்கும். எல்லா அரசியல்வாதிகளும் தற்குறிகள். அவர்களுக்கு பிரச்சினைகள் புரிவதில்லை.
தற்போது சீமான் தொடர்ச்சியாக பெரியாரைப் பற்றி பேசி வருகிறார். ஆனால், சந்தேகம் இல்லாமல் ஈவெரா பத்தி முதலில் பேசியது ஹெச்.ராஜாதான், பாஜக தான். தமிழ் காட்டு மிராண்டி மொழி, தமிழை படிக்காதீர்கள், தமிழை படித்தால் பிச்சைக்காரனாக கூட இருக்க முடியாது.
வேலைக்காரியோடு ஆங்கிலத்தில் பேசு, பொண்டாட்டியோடு ஆங்கிலத்தில் பேசு என்று பேசியவர் ஈவெரா. அவர் தலித் விரோதி, பட்டியலின சமூக மக்களின் முதல் எதிரி ஈவெரா" என்று தெரிவித்துள்ளார்.
