விபத்தை வேடிக்கை பார்க்க நின்ற மக்கள் - சொகுசு கார் பயங்கரமாக மோதி 9 பேர் பலி!

கார் மோதி விபத்துக்குள்ளானதில் 9 பேர் பலியாகினர்.

கார் விபத்து 

குஜராத், அகமதாபாத் - காந்தி நகர் தேசிய நெடுஞ்சாலையில் மஹிந்திரா தார் ஜீப் ஒன்று இஸ்கான் மேம்பாலத்தின் மீது எதிர்பாராதவிதமாக மோதி விபத்துக்குள்ளானது. தொடர்ந்து அங்கு மீட்பு பணி நடைபெற்றுக் கொண்டிருந்தது.

அப்போது அங்கு கூட்டம் குவிந்தது. இந்நிலையில், 160 கி.மீ வேகத்தில் வந்த ஜாகுவார் கார் கூட்டத்தினர் மீது பயங்கரமாக மோதி விபத்துக்குள்ளானது. இதில் காவலர் உட்பட 9 பேர் சம்பவ இடத்திலேயே பரிதாபமாக உயிரிழந்தனர். 13 பேர் படுகாயமடைந்தனர்.

9 பேர் பலி

இந்த விபத்தில் பலர் சம்பவ இடத்திலிருந்து 20 முதல் 25 அடி தூரம் வரை தூக்கி வீசப்பட்டதாக தகவல்கள் தெரிவிக்கின்றன. தகவல் அறிந்து வந்த போலீஸார் மீட்பு பணியில் ஈடுபட்டனர்.

தொடர்ந்து வழக்குப்பதிவு செய்து விசாரணை மேற்கொள்ளப்பட்டு வருகிறது. தொடர்ந்து அரங்கேறிய விபத்து சம்பவம் அப்பகுதியில் சோகத்தை ஏற்படுத்தியுள்ளது.