இனி பஞ்சுமிட்டாய் & கோபி மஞ்சூரியனுக்கு தடை - அரசு அறிவிப்பு!
பஞ்சு மிட்டாய் மற்றும் கோபி மஞ்சூரியன் உணவுக்கு அரசு தடை விதித்துள்ளது.
பஞ்சு மிட்டாய் & மஞ்சூரியன்
நாடு முழுக்க மிகவும் பிரபலமான உணவுகளில் ஒன்று கோபி மஞ்சூரியன். காலிஃபிளவரை வைத்துச் செய்யப்படும் இந்த உணவுக்கு, உணவு பிரியர்களிடையே தனி இடம் உள்ளது.
மேலும், சிறியவர்கள் முதல் பெரியவர்கள் வரை அனைவரும் சாப்பிடும் உணவாகப் பஞ்சு மிட்டாய் இருக்கிறது. இந்நிலையில், உடலுக்கு ஆபத்தான நிறமிகள் சேர்க்கப்படுவது உறுதியானதால் கர்நாடக மாநிலத்தில் ரோடமைன்-பி பயன்படுத்திச் செய்யப்படும் பஞ்சு மிட்டாய் மற்றும் கோபி மஞ்சூரியன் உணவுக்குத் தடை விதிக்கப்பட்டுள்ளது.
அரசு தடை
மேலும், மக்கள் எச்சரிக்கையாக இருக்க வேண்டும் எனவும் இத்தடையை மீறி விற்பனைசெய்பவர்கள் மீது கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.
முன்னதாக கடந்த மாதம் பஞ்சுமிட்டாய்க்கு தமிழக அரசு தடை விதித்திருந்தது. அதேபோல், வடக்கு கோவாவில் சாலையோரக் கடைகளில் கோபி மஞ்சூரியன் விற்கத் தடை விதிக்கப்பட்டது குறிப்பிடத்தக்கது.
