கொடுத்து வச்ச குழந்தைகள் - விஜய் பிறந்த நாளில் பிறந்த குழந்தைகளுக்கு தங்க மோதிரம்..!

நடிகர் விஜய் பிறந்தநாளையொட்டி கோவை அரசு மருத்துவமனையில் இன்று பிறந்த குழந்தைகளுக்கு தங்க மோதிரம் பரிசாக வழங்கப்பட்டது.

10 குழந்தைகளுக்கு தலா ஒரு கிராம் தங்க மோதிரம்

நடிகர் விஜய்யின் பிறந்தநாளை அவரது ரசிகர்கள் சிறப்பாக கொண்டாடி வருகின்றனர். பல்வேறு இடங்களில் விஜய் ரசிகர் மன்றத்தினர் பொதுமக்களுக்கு நலத்திட்ட உதவிகளை வழங்கி வருகின்றனர்.

இதன் ஒரு பகுதியாக கோவை மாவட்ட தளபதி விஜய் மக்கள் இயக்கம் சார்பில் கோவை அரசு மருத்துவமனையில் இன்று பிறந்த 10 குழந்தைகளுக்கு தலா ஒரு கிராம் தங்க மோதிரம் வழங்கப்பட்டது.

இதனை மாவட்ட தலைவர் சம்பத் வழங்கினார். இந்த நிகழ்வில் ஏராளமான விஜய் ரசிகர்கள் மற்றும் நற்பணி மன்றத்தினர் கலந்து கொண்டனர்.

இதேபோல் கோவையில் பல்வேறு இடங்களில் விஜய் ரசிகர்கள் நலத்திட்ட உதவிகளை வழங்கி நடிகர் விஜய்யின் பிறந்தநாளை கொண்டாடி வருகின்றனர்.