தண்டவாளத்தில் விழுந்த மாணவி; கண்மூடி திறப்பதற்குள்.. பதற வைக்கும் சம்பவம்!
ரயிலில் ஏற முயன்று மாணவி தவறி விழுந்த சம்பவம் அச்சத்தை ஏற்படுத்தியுள்ளது.
ரயில் தண்டவாளம்
கேரளா, கண்ணூர் ரயில் நிலையத்தில் புதுச்சேரி எக்ஸ்பிரஸ் ரயில் ஒன்று நின்று கொண்டிருந்தது. அந்த ரயிலில் பயணித்த ஒரு பெண்,
ரயிலில் இருந்து இறங்கி பிளாட்பார்மில் உள்ள கடைகளில் பொருட்கள் வாங்கி கொண்டிருந்தார். அந்த ரயில் மெதுவாக அங்கிருந்து புறப்பட தயாராகி நகர்ந்து கொண்டிருந்தது.
உடனே, அந்த பெண், வேகமாக ஓடிச்சென்று அந்த ரயிலில் ஏற முயன்றுள்ளார். அப்போது, ரயிலுக்கும் நடைமேடைக்கும் இடையில் உள்ள பாதையில் தவறி விழுந்தார். இதை கண்டு அதிர்ச்சியடைந்த, ரயிலில் பயணித்தவர்கள் உடனடியாக அவசர சங்கிலியை பிடித்து இழுத்து ரயிலை நிறுத்தினர்.
மிரண்ட பயணிகள்
ரயில் நின்றவுடன், அங்குள்ளவர்கள் சென்று பார்த்ததில்,அந்த பெண் ரயில் தண்டவாளத்தில் சிறு காயங்களுடன் உயிருடன் இருந்துள்ளார். இதையடுத்து, அந்த பெண் மீட்கப்பட்டு சிகிச்சைக்காக மருத்துவமனையில் அனுமதிக்கப்பட்டார்.
இது குறித்து விசாரிக்கையில், அந்த பெண், நர்சிங் படிக்கும் கல்லூரி மாணவி எனத் தெரியவந்தது. இந்த சம்பவம் தொடர்பான வீடியோ காட்சி சமூக வலைத்தளங்களில் வெளியாகி வைரலாகி வருகிறது.
