இன்று கூடும் முதல் தமிழக வெற்றி கழக செயற்குழு கூட்டம்..! எதிர்பார்க்கப்படும் முக்கிய முடிவுகள்..!
அரசியலில் என்ட்ரி கொடுத்துள்ள விஜய்யின் தமிழக வெற்றி கழகத்தின் முதல் செயற்குழு கூட்டம் இன்று நடைபெறுகிறது.
தமிழக வெற்றி கழகம்
2026-ஆம் ஆண்டு சட்டமன்ற தேர்தலை குறிவைத்துள்ள நடிகர் விஜய் அரசியலில் வேகம் காட்ட துவங்கியுள்ளார்.
தமிழக வெற்றி கழகம் அறிவிப்பு வெளியானது முதல், கட்சி பணிகள் ஆங்காங்கே நடைபெற துவங்கிவிட்டன. தமிழக வெற்றி கழகத்தின் முதல் செயற்குழு கூட்டம் இன்று நடைபெறுவிருக்கிறது.
கட்சியின் பொதுச்செயலாளர் புஸ்ஸி ஆனந்த் தலைமையில் நடைபெறும் இந்த கூட்டத்தில் செயற்குழு உறுப்பினர்கள் அனைவரும் கலந்துகொள்ளுமாறு அறிவுறுத்தப்பட்டுள்ளது.
ஆனால் இந்த கூட்டத்தில் தலைவர் விஜய் கலந்து கொள்ளவில்லை என்றும் தகவல்கள் வெளி வந்துள்னன.
சென்னையில் நடைபெறும் இக்கூட்டத்தில் கட்சி தொடர்பான முக்கிய முடிவுகள் எடுக்கப்படலாம் என கூறப்படுகிறது. வரும் 2026 -ஆம் ஆண்டின் சட்டமன்றத் தேர்தலே இலக்கு என பயணிக்கும் தமிழக வெற்றி கழகம், அதற்கான முதற்கட்ட பணிகளில் தீவிரம் காட்ட துவங்கிவிட்டது.
