எலான் மஸ்கை கெட்ட வார்த்தையில் திட்டிய அதிபரின் மனைவி - மஸ்க் கொடுத்த ரியாக்சன்

பிரேசில் அதிபரின் மனைவி எலான் மஸ்கை கெட்ட வார்த்தையில் திட்டியுள்ளார்.

எலான் மஸ்க்

உலக பணக்காரர்களில் ஒருவரும், Tesla , SpaceX , Starlink, X(டிவிட்டர்) ஆகிய நிறுவனங்களின் தலைவர் எலான் மஸ்க். அமெரிக்கா அதிபர் தேர்தலில் டொனால்ட் டிரம்புக்கு ஆதரவாக எலான் மஸ்க் பிரச்சாரம் செய்ததோடு, பல கோடிகளை நன்கொடையாக வாரி இறைத்தார்.  

இதனையடுத்து அதிபர் தேர்தலில் வெற்றி பெற்ற டிரம்ப் தனது நிர்வாகத்தில் அரசாங்க செயல்திறன் துறையை(DOGE) உருவாக்கி அதன் தலைமை பதவியை எலான் மஸ்கிற்கு வழங்கியுள்ளார். 

எலான் மாஸ்க் செய்த நற்செயல் - ஆனால் ஆபாச படத்துக்கு அடிமையான கிராம மக்கள்

எக்ஸ் தளம்

 கடந்த சில மாதங்களாகவே எலான் மஸ்கிற்கும் பிரேசில் அரசிற்கும் இடையே மோதல் போக்கு இருந்து வந்தது. எலான் மஸ்கிற்கு சொந்தமான எக்ஸ் தளம் பிரேசிலில் போலியான செய்திகள் மற்றும் வெறுப்புணர்வை தூண்டும் பதிவுகளை தொடர்ந்து அனுமதித்ததாக பிரேசில் அரசு குற்றஞ்சாட்டியது. 

எக்ஸ் தளம் கட்டுப்பாடுகள் இன்றி செயல்பட்டு வருவதாக குற்றஞ்சாட்டிய பிரேசில் உச்சநீதிமன்றம், எக்ஸ் தளத்திற்கான பிரதிநிதியை நியமிக்க வேண்டும் என உத்தரவிட்டிருந்தது. இதை எலான் மஸ்க் ஏற்க மறுத்த நிலையில் பிரேசில் நாட்டில் எக்ஸ் தளம் சில காலத்திற்கு முடக்கப்பட்டது.

பிரேசில் அதிபர் மனைவி

இந்நிலையில் G20 சோசியல் நிகழ்வு ஒன்றில் கலந்து கொண்ட பிரேசில் நாட்டு அதிபர் லூயிஸ் இனாசியோ லுலா டா சில்வாவின் மனைவி ஜான்ஜா லுலா டா சில்வா, எலான் மஸ்கை F என்று தொடங்கும் கெட்ட வார்த்தையில் திட்டியுள்ளார். 

இது தொடர்பான வீடியோ இணையதளத்தில் வைரலாகி வருகிறது. இந்த வீடியோவை தனது எக்ஸ் பக்கத்தில் பகிர்ந்துள்ள எலான் மஸ்க் lol என குறிப்பிட்டுள்ளார்.