புதிய சொகுசு கார் வாங்கிய எடப்பாடி பழனிசாமி - விலை இத்தனை லட்சமா?

அதிமுக பொதுச்செயலாளர் எடப்பாடி பழனிசாமி புதிய காரில் வந்து அனைவரின் கவனத்தையும் ஈர்த்துள்ளார்.

பலத்தை நிரூபிக்க வேண்டிய நிலையில் இபிஎஸ்

லோக்சபா தேர்தல் நெருங்கி வரும் நிலையில், அதற்கான முயற்சிகளை அனைத்து கட்சிகளும் மேற்கொண்டு வருகின்றன.

இந்த நிலையில் அதிமுக பொதுச்செயலாளர் எடப்பாடி பழனிசாமியும் கடந்த மாதம் முதல் பணியாற்றி வருகிறார்.

அதிமுக பொதுச் செயலாளராகப் பொறுப்பேற்ற பிறகு எடப்பாடி பழனிசாமி சந்திக்கும் முதல் பொதுத் தேர்தல் இது. அவர் தனது பலத்தை நிரூபிக்க வேண்டிய கட்டாயத்தில் உள்ளார்.

இந்நிலையில் ஆகஸ்ட் மாதம் மதுரையில் பிரமாண்ட மாநாட்டை நடத்த அதிமுக திட்டமிட்டு, அதன்பிறகு தேர்தல் பணிகளில் தீவிரமாக ஈடுபட திட்டமிட்டுள்ளது.

புதிய சொகுசு கார்

அதன் ஒரு பகுதியாக எடப்பாடி தொகுதிக்குட்பட்ட நங்கவள்ளி ஒன்றியத்தில் நான்கு இடங்களில் கொடியேற்று விழா நடைபெற்றது.

நடைபெற்ற நிகழ்ச்சியில் பங்கேற்ற எடப்பாடி பழனிசாமி புதிய காரில் வந்தது அனைவரின் கவனத்தையும் ஈர்த்தார்.

சமீபகாலமாக மூட்டு வலியால் அவதிப்பட்டு வந்த அவர், நீண்ட தூரம் பயணிக்க இந்த காரை வாங்கியுள்ளார். மேலும் இந்த காரின் மதிப்பு 30 லட்சம் ரூபாய் என்பது குறிப்பிடத்தக்கது.