டோல்கேட் போராட்டம் - கைதான ஆர்.பி.உதயகுமார்!! கொந்தளிக்கும் எடப்பாடியார்

சுங்கச்சாவடிகளில் அமலாக உள்ள புதிய கட்டண விதிகளுக்கு எதிர்ப்பு தெரிவித்து அதிமுகவின் முன்னாள் அமைச்சரும், தற்போதைய துணை எதிர்க்கட்சி தலைவருமான ஆர்.பி.உதயகுமார் மதுரை கப்பலூர் சுங்கச்சாவடியில் ஆர்ப்பாட்டத்தில் ஈடுபட்டார்.

இந்த மறியல் போராட்டத்தில் பெறும் திரளானோர் கலந்து கொண்டதை அடுத்து கப்பலூர் சுங்கச்சாவடி அகற்றப்படவேண்டும் என்றும் கோரிக்கைகள் வைக்கப்பட்டுள்ளது.

இதன் காரணமாக, ஆர்.பி.உதயகுமார் உட்பட போராட்டத்தில் ஈடுபட்ட பலரும் கைது செய்யப்பட்டுள்ள நிலையில், அதனை கண்டித்து அதிமுகவின் பொதுச்செயலாளர் எடப்பாடி பழனிசாமி கண்டன அறிக்கை ஒன்றை வெளியிட்டுள்ளார்.

ஜானகி அம்மாவை போல சசிகலா இருக்கனும் - ஒதுங்க சொல்கிறாரா எடப்பாடியார்?

அவரின் சமூகவலைதளபதிவு வருமாறு,

எடப்பாடியார் கண்டனம்

மதுரை திருமங்கலம் பகுதியில் அமைந்துள்ள கப்பலூர் டோல் கேட் விதிமுறைகளுக்கு புறம்பாக அமைக்கப்பட்டுள்ளதற்கு உள்ளூர் மக்கள் எதிர்ப்பு தெரிவித்து, அதனை அகற்றக் கோரி பலமுறை முற்றுகை போராட்டம் நடத்தியுள்ளனர்.

2024 ம் ஆண்டு திமுக தேர்தல் அறிக்கையில் (பக்கம் 27), டோல் கேட்கள் அகற்றப்படும் என்று வாக்குறுதி அளித்திருந்தது. எனவே அப்பகுதி மக்களுடன் இணைந்து கப்பலூர் சுங்கச் சாவடியை அகற்ற வேண்டும் என்றும், மற்றும் உள்ளூர் மக்கள் வாகனங்களில் செல்லும்போது அவர்களுக்கு முழு கட்டண விலக்கு அளிக்க வேண்டுமென்றும் அமைதியான முறையில் எதிர்ப்பை தெரிவித்து போராடிய அனைத்திந்திய அண்ணா திராவிடக் கழக புரட்சித்தலைவி அம்மா பேரவையின் செயலாளரும், மதுரை புறநகர் மேற்கு மாவட்டக் கழகச் செயலாளரும், தமிழ்நாடு சட்டமன்ற எதிர்கட்சி துணைத்தலைவருமான, திரு. ஆர். பி. உதயகுமார் அவர்களையும், முன்னாள் சட்டமன்ற உறுப்பினர்களையும், கழக நிர்வாகிகளையும், தொண்டர்களையும், பொதுமக்களையும் கைது செய்துள்ள விடியா திமுக அரசிற்கு எனது கண்டனத்தை தெரிவித்துக்கொள்கிறேன்.

இப்பகுதி மக்களின் கோரிக்கையினை உடனடியாக நிறைவேற்ற வேண்டும் என்றும், கைதுசெய்துள்ள கழக நிர்வாகிகள் மற்றும் பொதுமக்களை உடனடியாக விடுவிக்குமாறும் இந்த அரசை வலியுறுத்துகிறேன்.