1,300 கி.மீ தூர சொகுசு ரயில்; உலகை மிரளவைக்கும் வசதி - எங்கே தெரியுமா?

 1,300 கி.மீ தூர பாலைவன சொகுசு ரயில் திட்டம் செயல்படுத்தப்பட்டுள்ளது.

சொகுசு ரயில் திட்டம்

சவுதி அரேபியா சொகுசு ரயில் திட்டம் ஒன்றை கையிலெடுத்துள்ளது. அதற்கு Dream of the Desert என்று பெயர் வைக்கப்பட்டுள்ளது.

ரியாத்தில் தொடங்கி வடக்கே ஜோர்டான் எல்லை பகுதியில் அமைந்துள்ள அல் குராயத் வரை 1,300 கிலோமீட்டர் தூரத்திற்கு ரயில் இயக்கப்படவுள்ளது. வரும் 2026ஆம் ஆண்டு பயன்பாட்டிற்கு கொண்டு வரும் வகையில் பணிகள் நடந்து வருகின்றன.

ஆப்பிரிக்காவில் பிரம்மாண்ட இந்து கோவில்;மூலவர் யார் தெரியுமா? வரலாற்றில் ஒரு மைல்கல்!

என்னென்ன வசதிகள்?

இந்த சொகுசு ரயில் திட்டத்தை சவுதி அரேபியா ரயில்வே மற்றும் இத்தாலியை சேர்ந்த ஆர்சினலே குழுமம் ஆகியவை இணைந்து 53 மில்லியன் டாலர் மதிப்பில் செயல்படுத்தவுள்ளனர். இந்த பயணத்தில் அங்குள்ள பல்வேறு விதமான நில அமைப்புகளை காணலாம்.

பாலைவன சொகுசு ரயில் பயணத்தில் இடம்பெற்றுள்ள மூன்று ரயில் நிலையங்கள் (அல் குவாசிம், ஹெயில், அல் ஜோவஃப் ) பயணிகளை கவர்ந்திழுக்கும் என்பதில் சந்தேகமில்லை.

மொத்தம் 40 கேபின்கள் இடம்பெற்றுள்ளன. 82 பயணிகள் வரை பயணம் செய்யலாம். உணவகம், பார், பொழுதுபோக்கு அம்சங்களும் இடம்பெற்றுள்ளன.