இந்தியாவில் அதிகம் விற்பனையாகும் பீர் பிராண்ட் எது தெரியுமா? லிஸ்ட் இதோ..

இந்தியாவில் அதிகம் விற்பனையாகும் டாப் 5 பீர் பிராண்டுகளின் பட்டியல் இதோ.

பீர் பிராண்ட்  

இந்தியாவில் அதிக ஆல்கஹால் அளவு இல்லாத பீர் பிரியர்களின் எண்ணிக்கை அதிகம். அதில் பட்வைசர் (Budweiser) நாட்டில் அதிகம் (2%) விற்பனையாகும் பீர்களில் 5வது இடத்தைப் பிடித்துள்ளது. இது ஒரு சிறந்த பிராண்ட் என்று பலர் நம்புகிறார்கள்.

யுனைடெட் பிரூவரிஸ் குழுமத்தின் மற்றொரு பீர் பிராண்ட்தான் கல்யாணி பிளாக் லேபிள் (Kalyani black Label) மேற்கு வங்காளத்தில் அதிகளவில் விற்பனை செய்யப்படுகிறது. இது மேற்கு வங்காளத்துடன் சேர்த்து சில கிழக்கு மாநிலங்களிலும் இந்த பிராண்ட் விற்பனையாகிறது.

கல்யாணி பிளாக் லேபிள் பீர் விற்பனையில் (2.7%) 4வது இடத்தைப் பிடித்துள்ளது. சாப்மில்லர் (SABMiller) நிறுவனம் உலகின் முதல் 5 பீர் நிறுவனங்களில் ஒன்றாகும். இது 150க்கும் மேற்பட்ட பீர்களை வழங்குகிறது.

இந்த நிறுவனம் நாட்டில் அதிகம் விற்பனையாகும், அதிக கிக் கொடுக்கும் நாக் அவுட் (Knock Out) பிராண்ட் பீரை உற்பத்தி செய்து விற்பனை செய்கிறது. குத்துச்சண்டை வீரரைப் போல போஸ் கொடுக்கும் இந்த பீர் அதிகம் விற்பனையாகும் (8.7%) பிராண்டுகளில் 3வது இடத்தைப் பிடித்துள்ளது.

ஆண்களை அதிகம் பாதிக்கும் சிறுநீரக கல் - பீர் குடிப்பதனால் தான் இவ்வளவுமா?

லிஸ்ட் இதோ..

சாப்மில்லர் நிறுவனத்தின் மற்றொரு பிராண்ட் நாட்டில் மிகக் குறைந்த விலைக்கு விற்கப்படும் ஹேவார்ட்ஸ் (Heywards) 'ஏழைகளின் மது' என்று அழைக்கப்படுகிறது. ஹேவார்ட்ஸ் பிராண்டின் பீர் அதிகம் விற்பனையாகும் பீர்களில் 2வது இடத்தை (15%) பிடித்துள்ளது.

பல்வேறு மாநிலங்களில் இது அதிகம் விற்பனையாகும் மது பிராண்டாகும். இதை உள்ளூர் பிராண்ட் என்றும் அழைக்கப்படுகிறது. கிங்பிஷர் (kingfisher) என்பது இந்தியாவின் யுனைடெட் பிரூவரிஸ் குழுமத்தின் பெங்களூரை தளமாகக் கொண்ட பீர் ஆகும்.

இந்த பிராண்ட் முதலில் 1857 இல் அறிமுகப்படுத்தப்பட்டது. இந்தியாவில் 9 ஆயிரம் கோடி ரூபாய்க்கும் அதிகமாக கடன் வாங்கிவிட்டு நாட்டை விட்டு வெளியேறிய ஆர்சிபி முன்னாள் உரிமையாளர் விஜய் மல்லையா பின்னர் 1978 இல் கிங்பிஷர் பிராண்டை மீண்டும் தொடங்கினார். இந்த கிங்பிஷர் பிராண்டின் பீர் நாட்டிலேயே அதிகம் (41%) விற்பனையாகும் பீர் ஆகும்.