உனக்கெதுக்கு இந்த ட்ரெஸ்; வேற போடு - டிடியை கடுப்பாக்கிய நடிகை!

நடிகை ஒருவர் தனது உடை குறித்து பேசியதாக டிடி தெரிவித்துள்ளார்.

திவ்யதர்ஷினி

விஜய் டிவியின் பிரபல தொகுப்பாளர்களில் தனக்கென தனி இடத்தை பிடித்தவர் தான் டிடி என்கிற திவ்யதர்ஷினி. இவர் கடந்த 20 ஆண்டுகளுக்கு மேலாக தொகுப்பாளினியாக உள்ளார்.

குறிப்பாக இவர் தொகுத்து வழங்கிய காபி வித் டிடி நிகழ்ச்சி இவரை இன்னும் பிரபலமாக்கியது. தற்போது வாரநிகழ்ச்சிகளையும் முக்கிய நிகழ்ச்சிகளையும் தொகுத்து வழங்கி வருகின்றார். தான் தொகுப்பாளினியாக மட்டும் அல்லாமல் நடிப்பிலும் கவனம் செலுத்தி வருகிறார்.

அனுபவம் 

தற்போது அதர்வா நடித்துள்ள மத்தகன் வெப் தொடரில் முக்கிய ரோலில் நடித்துள்ளார். இந்நிலையில் டிடி அளித்த சமீபத்திய பேட்டி ஒன்றில், "எந்த சிறப்பு விருந்தினரும் என்னை கோபப்படுத்தியதில்லை. இருமுறை என்னுடைய நிகழ்ச்சிக்கு ஒரு கதாநாயகி வந்திருந்தார். அந்த நிகழ்ச்சிக்கு அவர் தாமதமாகத்தான் வந்திருந்தார்.

அப்போது அவரது உடையும் என்னுடைய உடையும் ஒரே மாதிரித்தான் இருந்தது. உடனே அந்த நடிகை என்னிடம் வந்து டிடி உங்களிடம் வேறு எதுவும் உடை இருக்கிறதா. எடுத்து வந்திருக்கிறீர்களா என கேட்டார். அதை கேட்டதும் எனக்கு பயங்கர கஷ்டமாகிவிட்டது.

அவர் கேட்டது எப்படி இருந்தது என்றால் தொகுப்பாளராக இருந்துகொண்டு உனக்கு எதுக்கு இந்த டிரெஸ் என்ற கண்ணோட்டத்தில் கேட்பது போல்தான் இருந்தது. இருப்பினும் அந்த நிகழ்ச்சியில் அவரிடம் மரியாதையாகத்தான் பேட்டி எடுத்தேன்" எனத் தெரிவித்துள்ளார்.