அஜித்தால் தான் அதை மாஸா பண்ண முடியும்; விஜய்யை பொருத்திப் பார்க்கவே முடியாது - இயக்குநர் அமீர்!
Jiyath
in பிரபலங்கள்
தான் இயக்கிய ஆதிபகவான் படத்துக்கு பெஸ்ட் சாய்ஸ் அஜித் தான் என்று இயக்குநர் அமீர் பேசியுள்ளார்.
இயக்குநர் அமீர்
மௌனம் பேசியதே என்ற படத்தின் மூலம் தமிழ் சினிமாவில் இயக்குநராக அறிமுகமானவர் அமீர். தொடர்ந்து ராம், பருத்தி வீரன், ஆதி பகவான் ஆகிய படங்களை இயக்கினார். தற்போது நடிகராக சினிமாவில் கலக்கி வருகிறார் அமீர்.
வட சென்னை படத்தில் ராஜன் என்ற கதாபாத்திரத்தில் அவர் மிகச் சிறப்பாக நடித்திருந்தார். இந்நிலையில் அவரே தயாரித்து நடித்துள்ள மாயவலை என்ற படத்தின் டீசர் நேற்று வெளியானது. சமீபத்தில் யூடியூப் சேனல் ஒன்றுக்கு அமீர் பேட்டியளித்திருந்தார்.
பெஸ்ட் சாய்ஸ் அஜித்
அப்போது அவர் பேசியதாவது "மௌனம் பேசியதே படம் விஜய் நடித்திருந்தால் நன்றாக இருந்திருக்கும். ஆனால் அப்போது அவரது வியாபாரம் வேறு மாதிரி இருந்தது. அதேபோல் அவர் புதுமுக இயக்குநருடன் பயணிக்க விரும்பினாரா என்றும் தெரியவில்லை.
அதேபோல் ஆதிபகவான் படத்துக்கு பெஸ்ட் சாய்ஸ் என்றால் அது அஜித் தான். ஏனென்றால் அவரால்தான் மாஸாகவும் செய்ய முடியும், நளினமாகவும் செய்ய முடியும். விஜய்யை அதில் பொருத்திப் பார்க்கவே முடியாது. ஆனால் அந்தப் பட சமயத்தில் அஜித்தை அப்ரோச் செய்யும் இடத்தில் நான் இல்லை” என தெரிவித்துள்ளார்.
