மகளுக்கு பிடித்த அந்த நபர்; வீட்டிற்கு அழைத்து பேசிய அஜித் - ரகசியம் பகிர்ந்த இயக்குநர்!
Sumathi
in பிரபலங்கள்
நடிகர் அஜித் குறித்த சில தகவல்களை அல்போன்ஸ் புத்திரன் பகிர்ந்துள்ளார்.
நடிகர் அஜித்
அமராவதி என்ற படத்தின் மூலம் தமிழ்த் திரை உலகில் காலடி பதித்தவர் நடிகர் அஜித் குமார். இதுவரை 61 திரைப்படங்களில் நடித்துள்ளார். நடிகை ஷாலினியை காதலித்து திருமணம் செய்துக் கொண்டார். இவர்களுக்கு ஒரு மகனும், ஒரு மகளும் உள்ளனர்.
தற்போது இயக்குநர் மகிழ் திருமேனி இயக்கத்தில் நடித்து வருகிறார். இந்த படத்திற்கு விடா முயற்சி என்று பெயர் வைக்கப்பட்டு வேலைகளும் நடைபெற்று வருகிறது.
இயக்குநர் தகவல்
இந்நிலையில் பிரபல இயக்குநர் அல்போன்ஸ் புத்திரன் தனது சோசியல் மீடியா பக்கத்தில் அஜித் குறித்து பதிவு ஒன்றை பதிவிட்டுள்ளார். அதில் அவர், அஜித் குமார் அரசியலுக்கு வரப்போகிறார் என்று நிவின் பாலி மற்றும் சுரேஷ் சந்திராவிடமிருந்து நான் தெரிந்து கொண்டேன்.
ப்ரேமம் படத்தில் நிவின் பாலியின் நடிப்பு அஜித்தின் மகளுக்கு பிடித்து இருந்ததால் அவரை வீட்டிற்கு அழைத்து அஜித் பேசினார். தற்போது வரை உங்களுடைய அரசியல் வருகையை பற்றிய தகவல் வரவில்லை. அப்போது அவர்கள் சொன்ன அந்த தகவல் பொய்யாக கூட இருக்கலாம்.
இது தொடர்பாக அஜித் பேச வேண்டும். ஏனென்றால் நான் உங்களை நம்புகிறேன். பொது மக்கள் உங்களை நம்புகிறார்கள் என்று தெரிவித்துள்ளார்.
