மீண்டும் ஹாங்காங்குக்கு நேரடி விமான சேவை - விவரம் இதோ..

ஹாங்காங் நேரடி விமான சேவை மீண்டும் தொடங்கப்பட்டுள்ளது.

சென்னை - ஹாங்காங்

கேத்தே பசிபிக் ஏர்லைன்ஸ் விமான நிறுவனம் சென்னை மீனம்பாக்கம் அண்ணா பன்னாட்டு விமான நிலையத்தில் இருந்து ஹாங்காங்குக்கு நேரடி விமான சேவையை இயக்கி வந்தது.

தொடர்ந்து, கொரோனா காரணமாக உலகம் முழுவதும் விமான சேவைகள் ரத்து செய்யப்பட்டது. அதன்பின், பழைய நிலை திரும்பிய நிலையில் பல நேரடி விமான சேவைகள் இயக்கப்பட்டன.

கடலில் மூழ்கிய உலக புகழ் ஜம்போ கப்பல் உணவகம் -ஏன்?

விமான சேவை

ஆனால், ஹாங்காங், ஜித்தா உள்பட பல நகரங்களுக்கு சேவை மீண்டும் தொடங்காமல் இருந்தது. இந்நிலையில், சென்னையில் இருந்து ஜப்பான், தென்கொரியா, சீனா ஆகிய நாடுகளுக்கு செல்லும் பயணிகளுக்கு ஹாங்காங் விமான நிலையம் இணைப்பு விமான நிலையமாக இருப்பதால், அந்த சேவையை தொடங்க கோரிக்கை எழுந்த வண்ணம் இருந்தது.

தற்போது, 4 வருடங்களுக்குப்பின் 2024ல் பிப்ரவரி மாதம் 2-ந் தேதியில் இருந்து கேத்தே பசிபிக் ஏர்லைன்ஸ் விமான நிறுவனம் மீண்டும் நேரடி சேவையை தொடங்கவுள்ளது. இந்த விமான சேவை வாரத்தில் 3 நாட்கள் இயக்கப்படுகிறது.