சென்னையில் டீசல் தட்டுப்பாடு - வாகன ஓட்டிகள் அதிர்ச்சி

சென்னையில் பல்வேறு பகுதிகளில் உள்ள பெட்ரோல் பங்குள் டீசல் இல்லை என்று அறிவிப்பு பலகை வைத்துள்ளதால் வாகன ஓட்டிகள் அதிர்ச்சி அடைந்துள்ளனர்.

சென்னையில் டீசல் தட்டுப்பாடு 

சென்னையில் உள்ள எழுப்பூர், புரசைவாக்கம், சிந்தாதிரிப்பேட்டை, அடையாறு, அண்ணாசாலை, உள்ளிட்ட பகுதிகளில் டீசல் தட்டுப்பாடு நிலவுவதாக தகவல் வெளியாகியுள்ளது.

பெரும்பாலான பெட்ரோல் நிலையங்களில் டீசல் இல்லை என்று அறிவிப்பு பலகை வைக்கப்பட்டுள்ளது.

இதுகுறித்து தனியார் தொலைக்காட்சிக்கு பெட்ரோல் முகவர்கள் சங்கத்தைச் சேர்ந்த முரளி அளித்த பேட்டியில், டீலர்களுக்கு தேவையான டீசல் விநியோகத்தை ஆயில் கம்பெனிகள் செய்யவில்லை என குற்றம்சாட்டினார்.

எதனால் டீசல் விநியோகம் செய்யவில்லை என்ற காரணத்தையும் இதுவரை கூறவில்லை என்றார். முறையான டீசல் விநியோத்தை ஆயில் கம்பெனிகள் செய்யாததால் சென்னை மற்றும் அதனை சுற்றியுள்ள பகுதிகளில் டீசல் தட்டுப்பாடு ஏற்பட்டுள்ளதாக தெரிவித்துள்ளார்.