கம்மின்ஸ் வீழ்த்திய ஹாட்ரிக்; அப்போ இந்தியாவுக்கு தான் கோப்பை? வரலாறு தெரியுமா!
பேட் கம்மின்ஸ் ஹாட்ரிக் வீழ்த்தி அசத்தியுள்ளார்.
பேட் கம்மின்ஸ்
டி20 உலகக்கோப்பை தொடரில் நடைபெற்று வரும் சூப்பர் 8 சுற்றின் 4-வது ஆட்டத்தில் ஆஸ்திரேலியா - வங்காளதேசம் அணிகள் விளையாடி வருகின்றன.
அதில், முதலில் பேட்டிங் செய்த வங்காளதேசம் 20 ஓவர்களில் 8 விக்கெட்டுகள் இழப்பிற்கு 140 ரன்கள் அடித்தது. ஆஸ்திரேலியா தரப்பில் அதிகபட்சமாக கம்மின்ஸ் 3 விக்கெட்டுகளையும் ஹாட்ரிக் முறையில் வீழ்த்தி அசத்தினார்.
இந்தியாவுக்கு தான் கோப்பை?
இதன் மூலம் சர்வதேச டி20 கிரிக்கெட்டில் ஆஸ்திரேலிய அணிக்காக ஹாட்ரிக் விக்கெட் கைப்பற்றிய 4-வது வீரர் என்ற சாதனையை படைத்துள்ளார். முன்னதாக, 2007-ல் இதே வங்கதேசத்திற்கு எதிராக பிரெட் லீ ஹாட்ரிக் எடுத்திருந்தார்.
தற்போதும், வங்கதேச அணிக்கு எதிராக ஆஸ்திரேலிய பௌலர் ஒருவர் ஹாட்ரிக் எடுத்துள்ளார். இதனால், 2007-ல் நடந்தது போல, தற்போதும் இந்திய அணி கோப்பை வெல்லும் என ரசிகர்கள் நம்பிக்கை தெரிவிக்கின்றனர்.