எனக்கு பிடித்த தமிழ் ஹீரோ அவர் தான்; காலேஜ் படிக்கும்போது.. - சூர்யாகுமார் யாதவ்!
Jiyath
in கிரிக்கெட்
தனக்கு நடித்த தமிழ் நடிகர் குறித்து இந்திய கிரிக்கெட் வீரர் சூர்யகுமார் யாதவ் பேசியுள்ளார்.
சூர்யகுமார் யாதவ்
இந்திய கிரிக்கெட் அணியின் அதிரடி வீரராக இருப்பவர் சூர்யகுமார் யாதவ். இவர் சில போட்டிகளில் இந்திய டி20 அணியின் கேப்டனாகவும் செயல்பட்டுள்ளார். மேலும், தற்போது ஐபிஎல் தொடரில் மும்பை இந்தியன்ஸ் அணிக்காக விளையாடி வருகிறார்.
இந்நிலையில் நேர்காணல் ஒன்றில் கலந்து கொண்ட சூர்யகுமார் யாதவ், தமிழ் சினிமா குறித்து பேசியுள்ளார். அவர் கூறுகையில் "விமானத்தில் பயணித்த போது விஜய் நடித்த வாரிசு திரைப்படத்தை பார்த்தேன்.
ரசிகராக மாறினேன்
ஏற்கனவே விஜய் நடிப்பில் வெளியான சில படங்களை பார்த்து அவரது ரசிகராகவே மாறிவிட்டேன். கல்லூரியில் படித்த காலங்களில் தியேட்டருக்கு சென்று விஜய் நடித்த படங்களை பார்த்துள்ளேன்" என்று தெரிவித்துள்ளார்.
இதனால் விஜய் ரசிகர்கள் சூர்யகுமார் யாதவை கொண்டாடி வருகின்றனர். நடிகர் விஜய் தற்போது வெங்கட் பிரபு இயக்கும் கோட் (G.O.A.T) படத்தில் நடித்து வருகிறார். இந்த படத்தின் படப்பிடிப்பு இன்னும் சில நாட்களில் நிறைவுபெறும் என்று தகவல்கள் தெரிவிக்கின்றன.
