ராயன் எனக்கு மிகவும் பிடித்திருந்தது - தனுஷை பாராட்டிய கிரிக்கெட் வீரர் ! யார் தெரியுமா?
Vidhya Senthil
in திரைப்படம்
ராயன் எனக்கு மிகவும் பிடித்திருந்தது என்று நடிகர் தனுஷை முன்னாள் கிரிக்கெட் வீரர் தினேஷ் கார்த்திக் பாராட்டியுள்ளார்.
ராயன்
தனுஷ் இயக்கி நடித்திருந்த ‘ராயன்’ திரைப்படம் கடந்த 26-ம் தேதி திரையரங்குகளில் வெளியானது. தனுஷின் 50-ஆவது படமான இப்படத்தை சன்பிக்சர்ஸ் நிறுவனம் தயாரிக்கிறது. இதில் துஷாரா விஜயன், சந்தீப் கிஷான், காளிதாஸ் ஜெயராம்,அபர்ணா பாலமுரளி ஆகியோர் முக்கிய கதாபாத்திரத்தில் நடித்திருந்தனர் .வில்லனாக எஸ்.ஜே. சூர்யா நடித்துள்ளார்.
வட சென்னையைக் கதைக்களமாகக் கொண்டு உருவாக்கப்பட்ட இப்படம் மக்கள் மத்தியில் அமோக வரவேற்பைப் பெற்றது .2024 ம் ஆண்டு வெளியான தமிழ்த் திரைப்படங்களில் ராயன் வசூலில் முதல் இடம் பெற்றுள்ளது. அதுமட்டுமில்லாமல் தனுஷ் நடித்த படங்களிலே ராயன் அதிகம் வசூலித்த படமாகச் சொல்லப்படுகிறது.
தினேஷ் கார்த்திக்
இந்த நிலையில் ராயன் திரைப்படத்தைப் பார்த்த முன்னாள் கிரிக்கெட் வீரர் தினேஷ் கார்த்திக் நடிகர் தனுஷை பாராட்டியுள்ளார். இது குறித்து அவர் வெளியிட்டுள்ள X -தளப் பதிவில், “ராயன் எனக்கு மிகவும் பிடித்திருந்தது.
அருமை தனுஷ். நீங்கள் ஒரு சிறந்த நடிகர் என்பது எப்போதும் தெரியும், ஆனால் நீங்கள் ஒரு சிறந்த இயக்குநரும் கூட.இன்னும் நிறையப் படங்கள் இயக்க வாழ்த்துகள் என்று தெரிவித்துள்ளார்.
