வருடம் 1 லட்ச நிதியுதவி - பெண்களுக்காக காங்கிரஸ் கட்சியின் 5 அதிரடி வாக்குறுதிகள் ..!
வரும் மக்களவை தேர்தலில் வெற்றி பெற்றால், நலிவுற்ற பெண்களுக்கு வருடம் 1 லட்ச ரூபாய் நிதியுதவி வழங்கப்படும் என காங்கிரஸ் கட்சி அறிவித்துள்ளது.
காங்கிரஸ்
10 வருடமாக எதிர்க்கட்சியாக இருக்கும் காங்கிரஸ் இம்முறை பலமான இந்தியா கூட்டணியை சேர்த்து ஆளும் கட்சியாக மாற, பல முயற்சிகளை மேற்கொண்டு வருகின்றது.
நாட்டின் பல எதிர்க்கட்சிகள் இந்தியா கூட்டணியில் இடம்பிடித்திருக்கும் காரணமாக, அந்த கூட்டணி ஆட்சி தான் மத்தியில் அமைய போகிறது என கருத்து கணிப்புகளில் தெரிவிக்கப்படுகிறது.
பெண்களுக்கான 5 வாக்குறுதிகள்
காங்கிரஸ் கட்சியும் தனி முயற்சிகளை மேற்கொண்டு வரும் நிலையில், அண்மையில் கட்சியின் இளைஞர்களுக்கான வாக்குறுதிகளை கட்சி வெளியிட்டது. அதனை தொடர்ந்து இன்று கட்சியின் பெண்களுக்கான 5 வாக்குறுதிகளை கட்சியின் தேசிய தலைவர் மல்லிகார்ஜுன கார்கே வெளியிட்டுள்ளார்.
அவை வருமாறு,
1- "ஆதி ஆபாடி, பூரா ஹக்" காங்கிரஸ் ஆட்சிக்கு வந்தால் மத்திய அரசுப் பணிகளில் பெண்களுக்கு 50 சதவீதம் இடஒதுக்கீடு வழங்கப்படும்.
2- "மகாலட்சுமி" ஏழைப் பெண்களுக்கு ஆண்டுதோறும் ரூ.1 லட்சம் நிதியுதவி வழங்கப்படும்.
3- "சக்தி கா சம்மான்"மத்திய அரசின் கட்டுப்பாட்டில் உள்ள, அங்கன்வாடி, சத்துணவு ஊழியர்களின் ஊதியம் இரண்டு மடங்கு உயர்த்தப்படும்.
4 -"அதிகார மைத்ரி" பெண் குழந்தைகளின் கல்வி மற்றும் உரிமை குறித்த விழிப்புணர்வை ஏற்படுத்த பஞ்சாயத்துக்கு ஒரு பெண் பணியாளர் நியமனம் செய்யப்படும்.
5 -"சாவித்ரி பாய் ஃபுலே விடுதிகள்" நாட்டில் உள்ள அனைத்து மாவட்டங்களிலும் குறைந்தபட்சம் வேலைக்குச் செல்லும் பெண்களுக்கான ஒரு விடுதி கட்டப்படும்.
