முன்விரோதம்.. காத்திருந்து பழி தீர்த்த இளைஞர்- வெளியான பயங்கர வீடியோ!
முன்விரோதம் காரணமாகக் கல்லூரி மாணவன் ஒருவர் வீட்டின் மீது பெட்ரோல் குண்டு வீசிய சம்பவம் அதிர்ச்சியை ஏற்படுத்தி உள்ளது.
முன்விரோதம்
மதுரை மாவட்டம் சோழவந்தான் பகுதியில் வசித்து வருபவர் முத்தையா. இவரது மகன் விக்னேஸ்வரன்( வயது 19) .இவர் மதுரையில் உள்ள கல்லூரியில் படித்து வருகிறார். இந்நிலையில், முத்தையாவிற்கும் அதே பகுதியைச் சேர்ந்த மதன் என்பவருக்கும் கடந்த 2 ஆண்டுகளுக்கு முன்பு தகராறு ஏற்பட்டுள்ளது.
இதனால் அடிக்கடி மோதல் போக்கு நிலவி வந்துள்ளதுஇந்த சுழலில் மீண்டும் கடந்த (அக் 31 ஆம்) தேதி தீபாவளியன்று முத்தையாவிற்கும், மதனுக்கும் வாக்குவாதம் ஏற்பட்டு தகராறு ஏற்பட்டுள்ளது.இந்த சம்பவத்தால் ஆத்திரம் அடைந்த முத்தையாவின் மகன் விக்னேஸ்வரன் நள்ளிரவில் மதன் வீட்டின் மீது பெட்ரோல் குண்டு வீசியுள்ளார்.
பெட்ரோல் குண்டு
இதனால் மதன் வீட்டிலிருந்த பொருட்கள் எரிந்து நாசமாகியுள்ளன. மேலும் இந்த சம்பவத்தால் குடும்ப உறுப்பினர்களுக்கு எந்தவித பாதிப்பும் ஏற்படவில்லை.இதனையடுத்து இந்தச் சம்பவம் தொடர்பாக மதன் சோழவந்தான் போலீசில் புகார் கொடுத்தார்.
புகாரின் அடிப்படையில் வழக்குப் பதிவு செய்த காவல் துறையினர் விக்னேஸ்வரனை கைது செய்து விசாரணை நடத்தி வருகின்றனர். தற்பொழுது இந்த சம்பவம் தொடர்பான சிசிடிவி காட்சி வெளியாகிப் பரபரப்பை ஏற்படுத்தி உள்ளது.
