கல்லூரியின் 3 வது மாடியில் இருந்து குதித்து மாணவி தற்கொலை - அதிர்ச்சி பின்னணி!
கல்லூரி மாடியில் இருந்து குதித்து மாணவி தற்கொலை செய்த சம்பவம் அதிர்ச்சியை ஏற்படுத்தியுள்ளது.
மாணவி
ராமநாதபுரம் மாவட்டம் முதுகுளத்தூரை சேர்ந்தவர் காவிய தர்ஷினி. இவர் நாமக்கல் திருச்செங்கோடு அருகே உள்ள தனியார் கல்லூரியில் முதலாம் ஆண்டு பயின்று வருகிறார்.
இந்த நிலையில், அவர் தங்கியிருந்த விடுதியின் அருகே காவிய தர்ஷினி சடலமாக கிடப்பதாக போலீசாருக்கு தகவல் தெரிவிக்கப்பட்டது.
இதையடுத்து சம்பவ இடத்திற்கு விரைந்து சென்ற போலீசார், மாணவியின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.
பின்னணி
இதன் பிறகு இந்த சம்பவம் குறித்து போலீசார் வடத்திய விசாரணையில்,காவிய தர்ஷினியின் சகோதரர் கடந்த ஆண்டு உயிரிழந்ததால், அவர் மன உளைச்சலில் இருந்து வந்ததாக சொல்லப்படுகிறது.
இந்த நிலையில் சம்பவத்தன்று காவிய தர்ஷினி கல்லூரி கட்டிடத்தின் 3-வது மாடியில் இருந்து குதித்து தற்கொலை செய்துகொண்டது தெரியவந்தது.
இந்த நிலையில், மாணவியின் உடல் பிரேத பரிசோதனைக்குப் பிறகு, பெற்றோரிடம் ஒப்படைக்கப்பட்டது.
