திண்டுக்கல் தனியார் மருத்துவமனை தீ விபத்து - உயிரிழந்தவர்களின் குடும்பத்தினருக்கு முதல்வர் ஆறுதல்!
திண்டுக்கல் தனியார் மருத்துவமனையில் நிகழ்ந்த தீ விபத்தில் உயிரிழந்தவர்களின் குடும்பத்தினருக்கு ஆறுதல் மற்றும் நிதியுதவியை முதலமைச்சர் முக ஸ்டாலின் அறிவித்துள்ளார்.
திண்டுக்கல்
திண்டுக்கல் - திருச்சி சாலையில் அமைந்துள்ள தனியார் எலும்பு முறிவு மருத்துவமனையில் நேற்று இரவு திடீர் பயங்கர தீ விபத்து ஏற்பட்டது.இதில் 100க்கும் மேற்பட்ட நோயாளிகள் சிக்கிச்சை பெற்று வந்தவர்கள் தீ விபத்தில் சிக்கி அலறியடித்தபடி வெளியேற முயன்றனர்.
ஆனால், துரதிர்ஷ்டவசமாக மருத்துவமனை லிப்டில் இருந்த ஐந்து பேர் மூச்சுத் திணறியும் ஒரு நபர் தீ விபத்திலும் உயிரிழந்தனர். இந்த விபத்தில் இதுவரை 6 பேர் உயிரிழந்ததாக தகவல் வெளியாகியுள்ளது.
இந்த நிலையில், திண்டுக்கல் தனியார் மருத்துவமனையில் நிகழ்ந்த தீ விபத்தில் உயிரிழந்தவர்களின் குடும்பத்தினருக்கு ஆறுதல் மற்றும் நிதியுதவியை முதலமைச்சர் முக ஸ்டாலின் அறிவித்துள்ளார்.
முதல்வர் ஆறுதல்
இது குறித்து முதல்வர் வெளியிட்டுள்ள அறிக்கையில் தீ விபத்தில் பலத்த காயமடைந்தவர்கள் அருகிலுள்ள அரசு மற்றும் தனியார் மருத்துவமனைகளில் அனுமதிக்கப்பட்டுள்ள நிலையில் அவர்களுக்கு சிறப்பான சிகிச்சை அளிக்கவும் உத்தரவிட்டுள்ளார்.
இந்த தீ விபத்தில் உயிரிழந்த ஆறு நபர்களின் குடும்பத்தினருக்கு இரங்கலையும் ஆறுதலையும் தெரிவித்துக்கொள்வதுடன் முதலமைச்சரின் பொது நிவாரண நிதியிலிருந்து தலா மூன்று இலட்சம் ரூபாயும்,
பலத்த காயமடைந்து தீவிர சிகிச்சைப் பிரிவில் சிகிச்சை பெற்று வருபவர்களுக்கு தலா ஒரு இலட்சம் ரூபாயும், இலேசான காயமடைந்து சிகிச்சை பெற்று வருபவர்களுக்கு தலா ஐம்பதாயிரம் ரூபாயும் வழங்கிட உத்தரவிட்டுள்ளார்.
