4 ரூபாய்க்கு ட்ரஸ் எடுக்க சென்று பர்ஸ்ஸ பறிகொடுத்த சம்பவம்!

பிரபல ஜவுளி கடையின் துவக்க விழாவை முன்னிட்டு 4 ரூபாய்க்கு ஆடைகள் விற்கப்பட்டது.

தொடக்க விழா 

திருவாரூர், ருக்குமணிபாளையம் சாலையில் பிரபல ஜவுளி கடை ஒன்று உள்ளது. இந்த கடையின் நான்காம் ஆண்டு தொடக்க விழா கொண்டாடப்பட்டது. அதனை முன்னிட்டு வாடிக்கையாளர்களை கவரும் வகையில்

முதலில் வரும் 400 நபர்களுக்கு எந்த ஆடை எடுத்தாலும் 4 ரூபாய்க்கு குறிப்பிட்ட ஆடைகள் விற்பனை செய்யப்படும் என கடையின் முன்பு பிளக்ஸ் பேனர் வைக்கப்பட்டுள்ளது. இதனை அறிந்த பொதுமக்கள் கடையின் முன்பு காலை 7 மணி முதலே வரதொடங்கினார்கள்.

 4 ரூபாய்க்கு ஆடைகள்

இதனால் கடை அமைந்துள்ள ருக்மணிபாளையம் சாலையில் போக்குவரத்து நெரிசல் ஏற்பட்டது. கடையிலும் ஏராளமானோர் கூடியதால் கூட்ட நெரிசல் ஏற்பட்டது. கடையில் மலைபோல் குவிக்கப்பட்ட ஆடைகளை பொதுமக்கள் ஆர்வமுடன் வாங்கி சென்றனர்.

4 ரூபாய்க்கு ஆடை வாங்க வந்தவர்களில் சிலர் தங்களின் விலை உயர்ந்த கைபேசி, ரொக்க பணம், கைபை உள்ளிட்டவற்றை தவறவிட்டு கண்ணீருடன் சென்ற நிலையும் ஏற்பட்டது. இச்சம்பவம் அப்பகுதியில், பரபரப்பை ஏற்படுத்தியது.