தேர்வில் தோல்வியால் ஆத்திரம் - 8 பேரை குத்தி கொன்ற மாணவன்

 தேர்வில் தோல்வியடைந்த மாணவன் கண்ணில் பட்டவர்களை எல்லாம் கத்தியால் குத்தியுள்ளான்.

மாணவன் கத்திக்குத்து

கிழக்கு சீனாவின் ஜியாங்சு(Jiangsu) மாகாணத்தின் யிக்சிங்(Yixing) பகுதியில் Wuxi கலை மற்றும் தொழில்நுட்ப கல்லூரி அமைந்துள்ளது. 

இந்நிலையில் கடந்த சனிக்கிழமை(16.11.2024) மாலை 6:30 மணியளவில், 21 வயதான கல்லூரி மாணவன் திடீரென கண்ணில் பட்டவர்களை எல்லாம் சரமாரியாக கத்தியால் குத்தியுள்ளான். 

மனைவி உடன் விவாகரத்து - 32 பேரை கார் ஏற்றி கொன்ற முதியவர்

8 பேர் பலி

இதில் 8 பேர் உயிரிழந்துள்ளனர். 17 பேர் படுகாயமடைந்து மருத்துவமனையில் சிகிச்சை பெற்று வருகின்றனர். தகவலறிந்து விரைந்து வந்த காவல்துறையினர் உடனடியாக அந்த மாணவனை கைது செய்துள்ளனர். 

விசாரணையில், இந்த ஆண்டு தனது பட்டப்படிப்பை முடிக்க இருந்ததாகவும், ஆனால் தேர்வு முடிவில் சில பாடங்களில் தோல்வியடைந்ததால் ஆத்திரத்தில் இவ்வாறு செய்ததாக வாக்குமூலம் அளித்துள்ளார்.