5வது மாடி; ஜன்னல் கம்பியில் சிக்கி அந்தரத்தில் தொங்கிய குழந்தை - போராடிய இளைஞர்கள்!

ஜன்னல் கம்பியில் தலை சிக்கிய குழந்தையை இளைஞர்கள் போராடி மீட்டுள்ளனர்.

சிக்கிய குழந்தை

சீனா, சோங்கிங் பகுதியில் உள்ள அடுக்கு மாடிக்குடியில் 5 வயது மதிக்கத்தக்க குழந்தை ஒன்று விளையாடிக் கொண்டிருந்தது. அப்போது எதிர்பாராத விதமாக அந்த குழந்தை தடுப்புக்காக வைக்கப்பட்டிருந்த கம்பிக்குள் விழுந்தது.

அதில் குழந்தையின் கழுத்து சிக்கிக் கொண்டது. 21 மீட்டர் உயரத்தில் தொங்கியபடி கதறி அழுத குழந்தையின் சத்தம் கேட்டு அக்கம்பக்கத்தினர் வந்து பார்த்து அதிர்ச்சியடைந்தனர்.

மீட்ட இளைஞர்கள்

உடனே, பக்கத்து வீட்டை சேர்ந்த இளைஞர்கள் சிலர் கொட்டும் மழையையும் பொருட்படுத்தாமல் பக்கவாட்டில் ஏறி லாவகமாகக் குழந்தையைக் காப்பாற்றினர்.

தொடர்ந்து விசாரணையில், சிறுமியின் பெற்றோர்கள் காய்கறிகளை வாங்க கீழே சென்றபோது வீட்டில் தனியாக இருந்த குழந்தை படுக்கையுடன் ஜன்னல் ஓரத்தில் ஏறி கம்பிகளுக்கு இடையில் விழுந்தார். இதில், உதவிய பக்கத்து வீட்டு உரிமையாளர் சென் என்பவரும் ஒருவர்.

மீட்புப் பணி சுமார் 10 நிமிடங்கள் நீடித்தது தெரியவந்துள்ளது. தற்போது அந்த இளைஞர்களுக்கு பலரும் தங்கள் பாராட்டுக்களை தெரிவித்து வருகின்றனர்.