நடிகர் விஷாலின் வருகைக்காக காத்திருக்கும் அரசு பள்ளி மாணவர்கள் - ஏன் தெரியுமா?
தொலைநோக்கு பாட திட்டங்களை கற்பதற்கு டி.வி பரிசளித்த நடிகர் விஷாலின் வருகைக்காக காத்திருக்கின்றனர் சென்னை அரசு பள்ளி மாணவர்கள்.
பள்ளிக்கு உதவி
இயக்குநர் ஹரி இயக்கத்தில் தற்போது நடிகர் விஷால் நடித்து வருகிறார். அவர் சினிமாவை தாண்டி சமூக சேவைகளிலும் ஈடுபட்டு வருகிறார். அண்மையில் விஷால் படப்பிடிப்புக்கு சென்ற கிராமத்தில், குடிநீர் வசதி வேண்டி பொதுமக்கள் கோரிக்கை வைத்ததை அடுத்து ஆழ்துளை கிணற்றை அமைத்துக் கொடுத்தார்.
தற்போது சென்னை சிந்தாதிரிப்பேட்டையில் உள்ள அரசு உயர் நிலைப் பள்ளி மாணவர்கள், தொலைநோக்கு பாட திட்டங்களை கற்பதற்கு தங்களுக்கு டி.வி வேண்டுமென்று கோரிக்கை விடுத்தனர்.
காத்திருக்கும் மாணவர்கள்
அதை ஏற்று பெரிய அளவிலான ஆண்ட்ராய்டு தொலைக்காட்சியை வாங்கி கொடுத்துள்ளார் விஷால். இதனால் மகிழ்ச்சியடைந்த பள்ளி மாணவ-மாணவிகள் விஷாலுக்கு வாழ்த்து தெரிவித்ததுடன், தங்களின் கைகளால் தயாரித்த பரிசுப்பொருட்களை விஷாலுக்கு வழங்கினர்.
இதனை பெற்றுக் கொண்ட விஷால் பள்ளி மாணவ மானிகளுக்கு நன்றி தெரிவித்து ஒரு வீடியோவை வெளியிட்டுள்ளார். அந்த வீடியோவில் 'விரைவில் நான் உங்களை நேரில் சந்திக்கிறேன்' என்றும் அவர் கூறியுள்ளார். இதனால் விஷாலின் வருகையை நோக்கி பள்ளி மாணவ-மாணவிகள் காத்திருக்கின்றனர்.
