ஆர்.டி.ஓ அலுவலகத்தில் திடீர் தீ விபத்து - மக்கள் பதற்றம்!

 சென்னை, கே.கே. நகரில் உள்ள ஆர்.டி.ஓ அலுவலகத்தில் திடீரென தீ விபத்து ஏற்பட்டதில் பரபரப்பு ஏற்பட்டுள்ளது.

கே.கே. நகர்

சென்னை கே.கே நகரில் உள்ள ஆர்.டி.ஓ அலுவலகத்தில், ஆய்வுக்காக பேருந்துகள் நிறுத்தி வைக்கப்பட்டுள்ளன. இங்கு நேற்று இரவு திடீரென ஏற்பட்ட தீ விபத்தில் இரண்டு பேருந்துகள், ஒரு லாரி, ஒரு வேன், இரண்டு ஆட்டோக்கள் முற்றிலும் தீயில் எரிந்து சேதமாகின.

மேலும், தகவல் அறிந்த வந்த தீயணைப்பு துறையினர், தீயணைப்பு பணியில் ஈடுபட்டனர்.

தீயணைப்பு

இதனை தொடர்ந்து, சம்பவ இடத்திற்கு விரைந்து வந்த நான்கு தீயணைப்பு வாகனங்கள், 30க்கும் மேற்பட்ட தீயணைப்பு வீரர்கள், பணியில் ஈடுபட்டு சுமார் 20 நிமிடங்கள் போராடி தீயை அணைத்தனர்.

மேலும், இந்த விபத்து எப்படி ஏற்பட்டது என தீயணைப்பு துறையினர் ஆய்வு செய்து வருகின்றனர். தொடர்ந்து, தீ விபத்திற்கான காரணம் குறித்து எம்ஜிஆர் நகர் காவல்துறையினர் விசாரணை மேற்கொண்டு வருகின்றனர்.