சிபிஎஸ்இ, 10,12ம் வகுப்பிற்கான பொது தேர்வு கால அட்டவணை இன்று வெளியீடு

மத்திய இடைநிலைக் கல்வி வாரியம் (CBSE) 10ம், 12ம் வகுப்பு தேர்வுக்கான கால அட்டவணை இன்று வெளியிடப்பட உள்ளது. இந்த பொதுத்தேர்வில் கலந்து கொள்ளப் போகும் மாணவர்கள், அதற்கான கால அட்டவணையை cbse.nic.in மற்றும் cbseacademy.nic.in ஆகிய அதிகாரப்பூர்வ வலைத்தளங்களில் பெற்றுக் கொள்ளலாம்.

சிபிஎஸ்இ (CBSE) 10ம், 12ம் வகுப்பு பொதுத்தேர்வு பொதுவாக பிப்ரவரி மற்றும் மார்ச் மாதங்களுக்கு இடையில் நடத்தப்பட உள்ளன. இந்த ஆண்டு கொரோனா வைரஸ் தொற்றுநோய் காரணமாக மே மாதம் நடத்தப்பட இருக்கிறது.

இதற்கு முன்னதாக டிசம்பர் 31ம் தேதி, மத்திய கல்வி அமைச்சர் ரமேஷ் போக்ரியால் 'நிஷாங்க்' என்னும் கலந்துரையாடலில், சிபிஎஸ்இ பொதுத்தேர்வுக்கான தேதிகள் உரிய நேரத்தில் வெளியிடப்படும் என்று அறிவித்தார்.

CBSE Board 10th and 12th Exam 2021 Time Table பதிவிறக்கம் செய்யலாம் என்று பார்ப்போம்: - CBSE cbse.gov.in என்ற அதிகாரப்பூர்வ வலைத்தளத்திற்குச் செல்ல வேண்டும். புதிய வலைத்தளத்தைக் கிளிக் செய்க. - சமீபத்திய தகவல் பிரிவின் கீழ் CBSE Board 10th Exam 2021 என்ற இணைப்பைக் கிளிக் செய்ய வேண்டும்.

- வகுப்பைத் தேர்ந்தெடுத்து அடுத்த விண்டோவில் PDF கோப்பாக உள்ள CBSE Board Exam 2021 Date Sheet என்பதை பதிவிறக்கம் செய்ய வேண்டும். கொரோனா தொற்றுநோயால் சிபிஎஸ்இ இந்த ஆண்டு 10ம் வகுப்பு பாடத்திட்டங்களை (CBSE Board Exam 2021 Syllabus) 30 சதவீதம் குறைத்திருக்கிறது.

COVID-19 நெருக்கடி உள்ள காலகட்டத்தில் மாணவர்கள் எதிர்கொள்ளும் சிரமங்களை மனதில் வைத்து சிபிஎஸ்இ 10,12ம் வகுப்பு பாடத்திட்டங்கள் குறைக்கப்பட்டிருக்கிறது. வரவிருக்கும் 2021 பொது தேர்வை எழுதும் மாணவர்கள் CBSE Board 10,12ம் வகுப்பில் 2021ன் ஆண்டில் குறைக்கப்பட்ட பாடத்திட்டங்கள் குறித்த விபரங்களை காணலாம்.

2021ன் ஆண்டின் சிபிஎஸ்இ 10ம் வகுப்பு தேர்வுக்கான அனைத்து பாட திட்ட விபரங்களை சிபிஎஸ்இயின் அதிகாரப்பூர்வ இணையதளத்தில் காணலாம்.