இறுதிவரை போராடி தோல்வியை தழுவிய பிரக்ஞானந்தா - கார்ல்சென் வெற்றி!

உலக செஸ் சாம்பியன்ஷிப் இறுதிப்போட்டியில் மாக்னஸ் கார்ல்சென் வெற்றிப் பெற்றுள்ளார்.

உலகக் கோப்பை செஸ்

உலகக் கோப்பை செஸ் தொடர் அஜர்பைஜானில் உள்ள பாகு நகரில் நடைபெற்றது. இதன் அரை இறுதி ஆட்டத்தில் பிரக்ஞானந்தா, உலகத் தரவரிசையில் 2-வது இடத்தில் உள்ள அமெரிக்காவின் ஃபேபியானோ கருனாவுடன் மோதினார்.

இவர்கள் இருவரும் நேற்று முன்தினம் மற்றும் நேற்று விளையாடிய இரண்டு ஆட்டமும் டிராவில் முடிந்தது. அதனால் டை பிரேக்கர் மூலம் பிரக்ஞானந்தா வெற்றி பெற்றார்.

கார்ல்சென் வெற்றி

தொடர்ந்து, பிரக்ஞானந்தா அடுத்து இறுதி ஆட்டத்தில் 'நம்பர் ஒன்' வீரரும், 5 முறை உலக சாம்பியனுமான மாக்னஸ் கார்ல்செனுடன் (நார்வே) மோதினார்.

அதில் 2 போட்டிகளும் டிராவில் முடிந்தது. இந்நிலையில் இன்று நடைபெற்ற இறுதிப்போட்டி டிரை பிரேக்கரில் மாக்னஸ் கார்ல்சென் 2023 உலகக்கோப்பையை வென்றார். இறுதிவரை அவருக்கு நெருக்கடி கொடுத்து போராடி தமிழக வீரர் பிரக்ஞானந்தா தோல்வியை தழுவியுள்ளார்.