சயின்ஸ் புக்கில் என்ன இருக்கு தெரியுமா? அதுகுறித்து கேலி செய்த நபருக்கு பும்ரா மனைவி பதிலடி!
Jiyath
in கிரிக்கெட்
தன்னை உருவ கேலி செய்த நபருக்கு இந்திய வீரர் பும்ராவின் மனைவி பதிலடி கொடுத்துள்ளார்
பும்ரா-சஞ்சனா
இந்திய கிரிக்கெட் அணியின் சிறந்த பவுலர்களில் ஒருவராக இருப்பவர் ஜாஸ்பிரித் பும்ரா. இதுவரை இந்திய அணிக்காக 165 சர்வதேச போட்டிகளில் விளையாடி, 323 விக்கெட்டுகளை வீழ்த்தியுள்ளார்.
பும்ரா கடந்த 2021-ம் ஆண்டு தொலைக்காட்சி தொகுப்பாளினியான சஞ்சனா கணேசன் என்பவரை காதலித்து திருமணம் செய்து கொண்டார். இவர்களுக்கு ஒரு குழந்தையும் உள்ளது.
தக்க பதிலடி
இந்நிலையில் காதலர் தினத்தை முன்னிட்டு பும்ரா - சஞ்சனா கணேசன் தம்பதி விளம்பர வீடியோ ஒன்றை தங்களது இன்ஸ்டாகிராம் பக்கத்தில் வெளியிட்டனர். அதில் இணையவாசி ஒருவர் சஞ்சனாவின் உடல் எடையை குறிப்பிட்டு உருவ கேலி செய்திருந்தார்.
அதற்கு பதிலடி கொடுக்கும் விதமாக "உன் பள்ளியில் கொடுக்கப்படும் அறிவியல் பாடப்புத்தகத்தில் என்ன இருக்கிறது என்று கேட்டால் சொல்லத் தெரியாது. ஆனால் பெண்களின் உடல் வடிவம் பற்றி இங்கு பேசுகிறாய். அமைதியாக இங்கிருந்து சென்றுவிடு" என்று அந்த பதிவுக்கு கீழ் சஞ்சனா பதில் அளித்துள்ளார்.
