டெஸ்ட் போட்டி - Reverse Swing'இல் நொறுக்கிய பும்ரா..! 253 ரன்னில் காலியான இங்கிலாந்து..!
Karthick
in கிரிக்கெட்
இந்தியாவிற்கு எதிரான இரண்டாவது டெஸ்ட் போட்டியில் இங்கிலாந்து அணி முதல் இன்னிங்சில் 253 ரன்களுக்கு ஆல் அவுட்டானது.
2-வது டெஸ்ட்
இரண்டாம் ஆட்டத்தை தொடர்ந்து இந்திய அணியில் துவக்க ஆட்டக்காரர் ஜெய்ஸ்வால் இரட்டை சதமடித்து அசத்த, பின்பு விக்கெட்டுகள் சரிய துவங்கியது. முதல் இன்னிங்சில் இந்திய அணி 396 ரன்களுக்கு ஆல் அவுட்டானது.
பின்னர் களமிறங்கிய இங்கிலாந்து அணிக்கு துவக்கம் முதலே நெருக்கடி கொடுத்தார் பும்ரா. ஒரு கட்டத்தில் 114/2 என்று ஆடிக்கொண்டிருந்த இங்கிலாந்து அணி, பும்ராவின் அபாரமான பந்துவீச்சை எதிர்கொள்ள முடியாமல் நிலை குலைந்தது.
மிரட்டிய பும்ரா
பும்ரா பந்தில் அடுத்தடுத்து ரூட் மற்றும் போப் இருவரும் முறையே 3 மற்றும் 4-வது விக்கெட்டாக ஆட்டமிழக்க, இங்கிலாந்து அணி 136 ரன்களுக்கு 4 விக்கெட்டுகளை இழந்தது.
தொடர்ந்து வந்த வீரர்களும் சொற்ப ரன்களுக்கே நடையை கட்டினார். சற்று தாக்குப்பிடித்து ஆடிய பென் ஸ்டோக்ஸ் மட்டும் 47 ரன்கள் எடுத்து பும்ராவிடம் சரணடைந்தார்.
முடிவில் இங்கிலாந்து அணி 253 ரன்களுக்கு ஆல் அவுட்டாகியது. இந்திய அணி தரப்பில் ஜஸ்பிரித் பும்ரா 6 விக்கெட்டுகளையும், குல்தீப் யாதவ் 3 விக்கெட்டுகளையும் வீழ்த்தினர்.
இதன் மூலம் இந்திய அணி 143 ரன்கள் முன்னிலை பெற்றுள்ளது.2-வது இன்னிங்ஸை துவங்கிய இந்திய அணி இரண்டாம் நாள் ஆட்டநேர முடிவில் விக்கெட் இழப்பின்றி 28 ரன்களை சேர்த்துள்ளது.
