டிரம்மிலிருந்து வீசிய துர்நாற்றம் - 6 துண்டுகளாக வெட்டப்பட்ட 70 வயது மூதாட்டி!
மூதாட்டி ஒருவர் 6 துண்டுகளாக வெட்டப்பட்டு கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
மூதாட்டி கொலை
கர்நாடகா மாநிலம் சிக்பள்ளாப்பூர் மாவட்டத்தை சேர்ந்தவர் சுசிலம்மா (70). இவருக்கு 2 மகள்கள் மற்றும் ஒரு மகன் இருந்தும் தனியாக வசித்து வருகிறார். பாஜக பிரமுகர் என்பதால் அவ்வப்போது கட்சி நிகழ்வுகளுக்காக வெளியூர் சென்று விடுவார்.
இந்நிலையில் கட்சி பணிக்காக வெளியே சென்ற சுசிலம்மா 2 நாட்கள் ஆகியும் வீடு திரும்பவில்லை. இதுகுறித்து அவரின் மகள் அக்கம்பக்கத்தில் விசாரித்தும் எந்த தகவலும் இல்லை. இதற்கிடையில் சுசிலம்மா வீட்டின் அருகில் இருந்த பிலாஸ்டிக் டிரம்மிலிருந்து துர்நாற்றம் வீசியுள்ளது.
குற்றவாளி கைது
இதுகுறித்து பொதுமக்கள் கொடுத்த தகவலின் பேரில் அங்கு வந்த போலீசார் டிரம்மை திறந்து பார்த்துள்ளனர். அப்போது அதில் சுசிலம்மாவின் உடல் 6 துண்டுகளாக வெட்டப்பட்டு கிடந்துள்ளது.
இதனையடுத்து சந்தேகத்தின் பேரில் சுசீலாம்மாவின் வீட்டிற்கு அருகே இருந்த தினேஷ் என்பவரை பிடித்து போலீசார் விசாரணை நடத்தியுள்ளனர். அதில் பல திடுக்கிடும் தகவல்கள் தெரியவந்துள்ளது. . சம்பவத்தன்று தினேஷ், சுசீலாம்மாவை சந்தித்து பணம் கேட்டுள்ளார் .
ஆனால் தினேஷுக்கு பணம் தர அவர் மறுத்துள்ளார். இதனால் ஆத்திரமடைந்த தினேஷ், சுசிலாம்மாவை கொலை செய்து உடல் பாகங்களை 6 துண்டுகளாக வெட்டியுள்ளார் என்று கூறப்படுகிறது. இந்நிலையில் போலீசார் தினேஷை கைது செய்து தொடர்ந்து விசாரணை நடத்தி வருகின்றனர்.
