பாஜக எந்த குட்டிக்கரணம் அடித்தாலும்..தமிழ்நாட்டில் நடக்காது - அமைச்சர் டி.ஆர்.பி.ராஜா உறுதி
தேர்தல் ஆணையம் மீது சந்தேகம் இருப்பதாக தமிழ்நாடு அமைச்சர் டி.ஆர்.பி.ராஜா தனது வாக்கை செலுத்திய பிறகு தெரிவித்தார்.
வாக்குப்பதிவு
மக்களவை தேர்தலுக்கான வாக்குப்பதிவு தமிழகம் மற்றும் புதுச்சேரியில் இன்று மும்முரமாக நடைபெற்று வருகின்றது. தமிழகத்தை பொறுத்தவரை மதியம் 1 மணி நிலவரம் படி, 40.05% வாக்குகள் பதிவாகியுள்ளன. மாலை 6 மணி வரை வாக்கெடுப்பு நடைபெறும் என்ற நிலையில், இந்த கணக்கு இன்னும் அதிகரிக்கும்.
திருவாரூர் மாவட்டம் மன்னார்குடி அருகே தளிக்கோட்டை ஊராட்சி ஒன்றிய நடுநிலைப்பள்ளியில் தனது வாக்கினை செலுத்தினார். அதன் பிறகு அவர் செய்தியாளர்களை சந்தித்து பேசினார்.
அப்போது, தமிழ்நாடு முதலமைச்சர் நல்லாட்சியில் ஒட்டுமொத்த தமிழகமே செழித்துக் கொண்டிருக்கும் வேலையில் ஒட்டுமொத்த இந்தியர்களும் தமிழ்நாட்டைப் போன்ற ஒரு வளர்ச்சி வேண்டும் என்று விரும்புகிறார்கள்.
குட்டிக்கரணம்
திமுகவிற்கும் - அதிமுகவிற்கும் தான் கோயம்புத்தூரில் பிரதான போட்டி, பாஜக நாங்களும் இருக்கிறோம் என்று குறுக்கே ஓடிக்கொண்டு இருக்கின்றது. இந்தியாவை நூதன முறையில் கொள்ளையடித்தவர்கள் பாஜகவினர்.
வாக்கு வங்கிக்காக குறுக்கு வழியில் குட்டிக்கரணம் அடிக்கிறார்கள். எந்த குட்டிக்கரணமும் தமிழகத்தில் வேலைக்காகாது. அனைவருக்குமே தற்போது தேர்தல் ஆணையத்தின் மீது சந்தேகம் இருக்கிறது.
தேர்தல் ஆணையர்களை யார் நியமித்தது என்பது அனைவருக்குமே தெரியும். பாஜக குறுக்கு வழியில் வெற்றி பெறமுடியாது என்பது எல்லோருக்கும் தெரியும்
