பெரும்பான்மை இழந்த பாஜக; பின்வாங்கிய சுயேட்சைகள் - எங்கு தெரியுமா?

பாஜக அரசுக்கான ஆதரவை சுயேச்சைகள் வாபஸ் பெற்றுள்ளன.

சுயேச்சைகள் வாபஸ்

ஹரியானா, சட்டப்பேரவைக்கு கடந்த 2019-ஆம் ஆண்டு அக்டோபர் மாதத்தில் நடைபெற்ற தேர்தலில், 40 இடங்களை பாஜக பிடித்தது. முதலமைச்சராக மனோகர் லால் கட்டார் பதவியேற்றார்.

தொடர்ந்து, மக்களவைத் தேர்தலுக்கான பேச்சுவார்த்தையில் சமரசம் ஏற்படாத நிலையில், பாஜகவுக்கு அளித்துவந்த ஆதரவை துஷ்யந்த் சவுதாலா கட்சி வாபஸ் பெற்றது.

6 சுயேட்சைகள் மற்றும் ஹரியானா லோக்கித் கட்சியின் ஆதரவுடன் ஆட்சியை பாஜக தக்கவைத்தது. இருப்பினும், மனோகர் லால் கட்டாருக்குப் பதிலாக, புதிய முதலமைச்சராக நயாப் சிங் சைனி பதவியேற்றார். இந்நிலையில், பாஜக அரசுக்கான ஆதரவை வாபஸ் பெறுவதாக 3 சுயேச்சை எம்எல்ஏ-க்கள் அறிவித்துள்ளனர்.

தனியார்மயமாக்கல் மூலம் பாஜக அரசு ரகசியமாக இதை செய்கிறது - ராகுல் காந்தி குற்றச்சாட்டு!

பாஜக-வின் பலம்?

தற்போதைய நிலையில், 88 உறுப்பினர்களைக் கொண்ட சட்டப்பேரவையில் பாஜக 40 இடங்களைப் பெற்றுள்ளது. சுயேச்சைகள் 2 பேர், ஹரியானா லோகித் கட்சியின் ஒரு எம்எல்ஏ ஆகியோரின் ஆதரவுடன் பாஜக-வின் பலம் 43-ஆக உள்ளது. காங்கிரஸ் கட்சிக்கு 30 எம்எல்ஏ-க்கள் உள்ளனர்.

இந்திய தேசிய லோக்தளம் கட்சியின ஒரு எம்எல்ஏ, சுயேச்சைகள் 4 பேர் ஆதரவுடன் காங்கிரஸின் பலம் 35-ஆக உள்ளது. பெரும்பான்மை பலத்தை பாஜக இழந்துள்ளதால்,

முதலமைச்சர் பதவியிலிருந்து நயாப் சிங் சைனி உடனடியாக விலக வேண்டும் என்று மாநில காங்கிரஸ் தலைவர் உதய் பானு வலியுறுத்தியுள்ளார். மேலும், குடியரசுத் தலைவர் ஆட்சியை அமல்படுத்தி, உடனடியாக தேர்தலை நடத்தவும் கோரிக்கை விடுத்துள்ளார்.