சென்னை சென்ட்ரல் - பெங்களூர் டபுள் டக்கர் எக்ஸ்பிரஸ் ரயில் - முக்கிய அறிவிப்பு!
சென்னை சென்ட்ரல் - பெங்களூர் டபுள் டக்கர் எக்ஸ்பிரஸ் ரயில் புறப்படும் நேரத்தில் மாற்றம் செய்யப்படுகிறது.
டபுள் டக்கர் எக்ஸ்பிரஸ்
சென்னை சென்ட்ரலில் இருந்து பெங்களூரு வரை கடந்த 2013-ம் ஆண்டு டபுள் டக்கர் ரயில் சேவை துவங்கப்பட்டது. இந்த டபுள் டக்கர் எக்ஸ்பிரஸ் ரயிலில் (வண்டி எண். 22626) மொத்தம் 1200 பேர் அமரும் வசதி கொண்டது.
அதில் 10 ஏசி சேர் கார் பெட்டிகள் உள்ளது. இந்த டபுள் டக்கர் ரயில் சென்னை - பெங்களூர் இடையே உள்ள சுமார் 360 கிலோமீட்டர் தூரத்தை 5.45 மணி நேரத்தில் கடக்கிறது. வழக்கமாக இந்த ரயில் சென்னை சென்ட்ரல் ரயில் நிலையத்திலிருந்து காலை 7:25 மணிக்கு புறப்பட்டு, பிற்பகல் 1:30 மணிக்கு பெங்களூரை சென்றடைகிறது.
நேரத்தில் மாற்றம்
பின்னர் பிற்பகல் 2:40 மணிக்கு புறப்பட்டு அதே இரவு 8:45 மணிக்கு சென்னை வந்தடைகிறது. இந்நிலையில் டபுள் டக்கர் எக்ஸ்பிரஸ் ரயில் புறப்படும் நேரத்தில் மாற்றம் செய்யப்படுகிறது.
அதன்படி, "வரும் மே மாதம் 1-ம் தேதி முதல் பெங்களூருவில் இருந்து மதியம் 1.30 மணிக்கு புறப்பட்டு இரவு 7.30 மணிக்கு சென்னை சென்டிரல் வந்தடையும். ஏற்கனவே புறப்பட்ட நேரத்திலிருந்து ஒரு மணி நேரம் முன்பாக புறப்படவுள்ளது" என்று தெற்கு ரயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
