நாயகன் மீண்டும் வரான்.. புதிய பேட்டுடன் களமிறங்கும் விராட்கோலி!

 விராட்கோலி டி20 போட்டிக்கு புதுய பேட்டுடன் களமிறங்க உள்ளதாக தகவல் வெளியாகியுள்ளது.

விராட்கோலி

இந்திய அணியின் நட்சத்திர வீரரான விராட்கோலி, மீண்டும் ஃபார்முக்கு வருவாரா? என்ற கேள்வி தான் ஒட்டுமொத்த இந்திய கிரிக்கெட் அணியின் ரசிகர்களின் கேள்வியாகவே உள்ளது.

பலரும் அவர் மீண்டு இந்திய அணிக்காக விளையாடி பல சாதனைகளையும், ரன்களையும் குவிக்க வேண்டும் என்று ஆசையும், முன்னாள் வீரர்கள் கருத்தையும் கூறி வருகின்றனர். இழந்த ஃபார்மை மீட்டெடுக்க கோலியும் தீவிர உடற்பயிற்சியையும் மேற்கொண்டு வருகிறார்.

புதிய பேட்டுடன்..

இந்நிலையில், விராட் கோலி ஆசிய கோப்பை டி20 தொடரில் புதிய பேட்டை பயன்படுத்தப்போவதாக கூறப்படுகிறது.  வரும் ஆகஸ்ட் 27ஆம் தேதி தொடங்க உள்ள ஆசிய கோப்பை தொடருக்கு, விராட்கோலி எம் ஆர் எஃப் (MRF) பேட்டை வைத்து விளையாடி வருகிறார்.

இதனிடையே, இங்கிலீஸ் வில்லோவில் தயாரிக்கப்பட்ட புதிய எம் ஆர் எஃப் (MRF) கோல்டன் எடிசன் பேட்டை வைத்து ஆசிய கோப்பையில் விராட் கோலி விளையாட உள்ளதாக கூறப்படுகிறது.

தற்போது அதன் புகைப்படங்களும் வெளியாகி இருக்கிறது. இது ரசிகர்களிடையே மிகுந்த எதிர்பார்ப்பை உருவாக்கியுள்ளது.