முக்கியமான ஒன்றைப் பற்றி பேச விரும்புகிறேன் - ஏ.ஆர்.ரகுமான் வேண்டுகோள்

உலக நீரிழிவு தினத்தில் ஏ.ஆர்.ரகுமான் முக்கிய வேண்டுகோள் ஒன்றை வைத்துள்ளார்.

உலக நீரிழிவு தினம்

நவம்பர் 14 ஆம் இந்தியாவில் குழந்தைகள் தினம் கொண்டாடப்படுவது மட்டுமின்றி, உலக நீரிழிவு தினமும்(world diabetes day) கடைபிடிக்கப்பட்டு வருகிறது. 

நீரிழிவு நோய்க்குப் பயன்படுத்தும் இன்சுலின் மருந்தினை கண்டுபிடித்த ஃபிரடெரிக் பான்டிங் என்பவரின் பிறந்த தினமே உலக நீரிழிவு தினமாக அனுசரிக்கப்பட்டு, நீரிழிவு நோய் குறித்த விழிப்புணர்வு ஏற்படுத்தப்படுகிறது. 

என்ன மனுஷன்'யா..அம்மாவிற்காக தாஜ் மஹாலே கட்டியிருக்கும் ஏ.ஆர்.ரகுமான்..!

ஏ.ஆர்.ரகுமான்

இந்நிலையில் பிரபல இசையமைப்பாளர் ஏ.ஆர்.ரகுமான் தனது எக்ஸ் தள பக்கத்தில் உலக நீரிழிவு தினத்தில் வேண்டுகோள் ஒன்றை வைத்துள்ளார்.

அவர் வெளியிட்டுள்ள பதிவில், நண்பர்களே நான் முக்கியமான ஒன்றைப் பற்றி பேச விரும்புகிறேன் - நீரிழிவு மற்றும் உங்கள் கண்கள்.  

நீங்கள் நீரிழிவு நோயுடன் வாழ்கிறீர்கள் என்றால், இது இரத்த சர்க்கரையை நிர்வகிப்பது மட்டுமல்ல. நீரிழிவு நோயானது நீரிழிவு ரெட்டினோபதிக்கு வழிவகுக்கும், இது கடுமையான பார்வைப் பிரச்சினைகளை ஏற்படுத்தும், குருட்டுத்தன்மையையும் கூட ஏற்படுத்தும்.

கண் பரிசோதனை

ஆனால் இதோ ஒரு நல்ல செய்தி, வழக்கமான கண் பரிசோதனைகள் மூலம், நீரிழிவு ரெட்டினோபதியை ஆரம்பத்திலேயே கண்டுபிடித்து உங்கள் பார்வையைப் பாதுகாக்க உதவலாம்.

இன்று நவம்பர் 14ஆம் தேதி உலக நீரிழிவு தினம் என்பதால் கண் பரிசோதனைக்கு நேரம் ஒதுக்குமாறு உங்களை ஊக்குவிக்கிறேன். உங்களுக்கு நீரிழிவு நோய் இருந்தால், அல்லது யாரையாவது அறிந்திருந்தால், உங்கள் பார்வையைப் பாதுகாக்க நடவடிக்கையை எடுக்கவும். 

நண்பர்களே😍

நான் முக்கியமான ஒன்றைப் பற்றி பேச விரும்புகிறேன் - நீரிழிவு மற்றும் உங்கள் கண்கள்.

நீங்கள் நீரிழிவு நோயுடன் வாழ்கிறீர்கள் என்றால், இது இரத்த சர்க்கரையை நிர்வகிப்பது மட்டுமல்ல. நீரிழிவு நோயானது நீரிழிவு ரெட்டினோபதிக்கு வழிவகுக்கும், இது கடுமையான பார்வைப் பிரச்சினைகளை…

— A.R.Rahman (@arrahman) November 13, 2024

ஒரு எளிய, வருடாந்திர கண் பரிசோதனை அனைத்து வித்தியாசத்தையும் ஏற்படுத்தும். இந்தச் செய்தியைப் பரப்பி, ஒளிமயமான எதிர்காலத்தைக் காண அனைவருக்கும் உதவுவோம்" என் கூறியுள்ளார்.